"كان فى معجبات كتير بعد فيلم صعيدى فى الجامعة الأمريكية، ودلوقتى بيقولولى أنت كنت الكراش بتاعى" بهذه الكلمات أوضح الفنان هشام المليجى أسباب عدم زواجه حتى الآن، رغم تجاوزه العقد الخامس من العمر.
وقال هشام المليجى فى تصريحات تليفزيونية: "مكنتش فاضى أتجوز لأن الزواج مهم جدا، وبالتالى لازم الواحد يأجله لآخر حاجة فى حياته وبالنسبة للأطفال فمحدش ضامن يجيبهم، وعموما أنا معنديش حاجة أخجل منها والموضوع كبير مفيش نصيب".
وأضاف المليجى "بنت الجيران كانت الحب الأول فى حياتى أما باقى البنات اللى حبتهم طلعوا عينى".
وعن أزمته فى فيلم بوحة مع النجم محمد سعد قال: "كنت غاضبا أنا ومى عز الدين بسبب حذف بعض مشاهدنا، بس مفيش أى خلاف بينى وبين أى فنان".
ومن أشهر أعمال هشام المليجى أفلام "صعيدى فى الجامعة الأمريكية" و"ضحك ولعب وجد وحب" و"بوحة"، وفى الدراما: "العصيان" و"شجر الأحلام" و"حارة اليهود"، وغيرها.
تم أضافة تعليقك سوف يظهر بعد المراجعة