عيد الحب يحتفل به كل العشاق ويستعدوا لتحضير الهدايا وتجهيز الأكلات المفضلة والخروجات بأحد الأماكن المفضلة لديهم لذلك سألنا الشباب أين يقضون عيد الحب اليوم ومع من؟ وانتظرنا إجابات شديدة الرومانسية، فهل حصلنا عليها؟.
" مسافر خارج البلاد"
قال أحمد سعيد:" أنا مسافر خارج البلاد لكن جهزت لهذا اليوم أنني اقضيه مع الأسرة لأن كل الحب الي في الدينا هم يستحقوا الفضل كله لأهلي وأخواتي وبصراحة قعدت فترة طويلة أحضر لهذا اليوم من بداية شهر واحد من تجهيز للهدايا وظبطت الإجازة علشان اكون موجود النهاردة معاهم والحمد لله واثق أنه هيكون يوم حلو".
كنت بتريق على صحابي:
أما إبراهيم فأجاب" أنا كنت بقعد اتريق على صحابي لحد ما لدور جالي أهو وفعلا نزلت من شغلي عشان احتفل مع خطيبتي وبقعد اجهز للهدايا فعلا افتكرت لما كنت بتريق على صحابي قعدت أضحك اللي عايز أقوله الحب حلو".
سنجل بائس:
وتقول إيمان:" أنا كالعادة وزي كل سنة بقضي عيد الحب في الشغل أو نائمة ولأني سنجل بائس فبصراحة اليوم دا مابيشغلنيش خالص المهم الستر والصحة لكن عايزين السنة الجاية نحتفل".
نراعي شعور المتزوجين:
ويقول كامل:" عيد حب إيه؟ ممكن نراعي شعور المتزوجين لأننا بيصعب علينا نفسنا أيام ما كنا شباب ويمكن عندي اعتراف أيام ماكنت شباب مكنتش بحتفل بردو في الغالب العيب فيا أنا مش في عيد الحب".
مع بنتي:
وتقول منال:"السنة دي هو أحلى عيد حب ليا لأني هقضيه مع بنتي وحبيية قلبي كل الحب ليها وربنا يباركلي فيها.
عيد مهم بحياتي:
وتقول أية: " أنا كل سنة لازم استعد لليوم دا واحتفل مع جوزي وبحب أعمل أكلات كثيرة متنوعة وكأنه يوم عيد فعلاً بحسه يوم مهم بحياتي جدًا.
في الحديقة :
وتقول اسراء:" عيد الحب مش مهم المهم أننا نحب بعض بجد ونحب الخير لبعض وأي يوم يعدي علينا بخير وحب فهو يوم عيد أنا هقضيه مع جارتي وأخواتي البنات بصراحة كلنا سناجل وحالا بنفكر نعمل محشي ونطلع نروح الحديقة نفرح نفسنا.
عيد الحب
تم أضافة تعليقك سوف يظهر بعد المراجعة