قد يكون قرار الانفصال من أصعب القرارات التى قد تتخذها الفتاة على صعيد حياتها العاطفية، ويعد واحدا من أسواء التجارب التى تمر بها العديد منهن، حيث يجدن صعوبة فى التأقلم مع الوضع الجديد، لتتحول أحلامهن الوردية عن الارتباط بشريك حياة والزواج، إلى كابوس مزعج.
وبمجرد أن تتخذ الفتاة قرار الانفصال تبدأ فى التفكير فى كيفية مواصلة حياتها وتخطى الآثار النفسية المترتبة على ذلك الأمر، وعن كيفية الرجوع للحياة الطبيعية بعد الانفصال، وتساءلت إحدى الفتيات فى إحدى المجموعات النسائية عبر موقع التواصل الاجتماعى "فيس بوك"، وجاءت ردود الفتيات ونصائحهن كالتالى:
امسحى الذكريات وخدى وقت
قالت سالى:" أولا الغى أى حاجة أو أى ذكريات بتجمعك بالشخص زى صور مثلا شات بينكم، وتانى حاجة خدى بعض الوقت لوحدك تماما وطلعى كل اللى جواكى من مشاعر، ومتستعجليش أى مرحلة عشان تعرفى تكونى كويسة بس متغرقيش فى الاكتئاب، والأهم فكرى فى قد إيه ربنا أنقذك من حاجة إنتى مش شايفاها دلوقتى ويمكن مش عارفة تستوعبى ده بس ساعدى نفسك".
قرار الانفصال
انهى كل حاجة باحترام
وقالت سارة "خليكى وسط ناس بتحبك بجد واسمحيلهم إنهم يساعدوكى ويقفوا جنبك ويسندوكى، أهم حاجة إنهى كل حاجة باحترام وأوعي تجيبي سيرته بشكل وحش قدام أى حد، ودايما طلعيه حد كويس أوى بس منفعتوش مع بعض".
عبري عن مشاعرك
وعن كيفية تخطى فكرة فك الارتباط قالت شيرين "أدى نفسك وقت إنك تعيشى الزعل وتطلعي كل اللي جواكي وتغضبي وتحزني وتخرجي كل الكلام اللي جواكي سواء مع شخص ثقه يكون بيعرف يسمع، يسمع وبس من غير أحكام ونصايح لأنه مش وقته، ولو مفيش اكتبي في ورق واحرقيه عشان لو مش حابة حد يشوفه، وخرجى كل اللى جواكى فيه، وبعد ما الحزن يهدي شويه ساعتها فكرى بالعقل في عيوب الشخص".
إتخاذ قرار الانفصال
متوقفيش حياتك
أكدت شيماء أن الحياة لابد أن تستمر بعد الانفصال قائلة "الدنيا عمرها ما بتقف علي حد، خدي وقتك في الزعل والعياط وأنك متكونيش مستوعبه اللي إنتي فيه بس متخليش ده يطول، وارجعي ابني لنفسك حياة جديدة، واشتغلى واعملى أي حاجة بتحبيها سواء خروج أو رياضة المهم تشغلى نفسك معظم الوقت، وصلي وادعي ربنا كتير يهون عليكي أي أحساس وجع أو أى شعور وحش".
الانفصال
اشغلي نفسك
وأضافت سهام "حاولى متفكريش فى الموضوع كتير، دى واشغلى نفسك بحاجات جديدة، ولو بتشتغلى ممكن رياضة جديدة أو أى حاجة جديدة اتعلميها وإخرجي واتبسطى وأكيد ربنا هيعوضك".
تم أضافة تعليقك سوف يظهر بعد المراجعة