أكد الإعلامي عمرو أديب، إن تركيا التى إدعى البعض أنها لن يصيبها فيروس كوورونا، بها الآن ما يقرب من 50 ألف إصابة حتى الآن، مشيرا إلى أردوغان أعلن عن فرض حظر تجوال خلال ساعتين فقط، مضيفا: "محافظ اسطنبول قال إنه ميعرفش حاجة عن القرار ده، رغم أن دي تاني مدينة تركية من حيث الأهمية، والناس بعد ما سمعت القرار ضربوا بعض جوة البلد، اللهم لا شماتة، لكن لو راقبنا الأداء هنلاقي أن مفيش مقارنة بينا وبينهم".
وأضاف عمرو أديب خلال برنامج "الحكاية": "احنا بلدنا واقفة على رجليها، حكومتنا واقفة على رجليها، لكن في تركية حصل دربكة غريبة، الناس جريت على محلات الأكل والشرب وبدأوا ياخدوا الحاجة بالعافية، الغريب بقى أن الجزيرة سابت كل ده ونشرت أنها أرسلت مساعدات لدول، رغم أن أكثر دول تركيا بعتتلها مساعدات كانت إسرائيل، وعلى فكرة تركيا دولة اقتصاديا قوية مينفعش تتخبط بالشكل ده أبدا".
وقال "أديب": "عاوز تجرب أي دولة ونظامها حطهم تحت ضغط، وأيا كان الوضع عندنا، عمره ما وصل للمرحلة دي، وهو حس أن الوضع خرج عن السيطرة، وأنا بطالب الناس أنها تراعي اجراءات الوقاية كويس جدا الفترة دي علشان المرحلة دي تعدي على خير".
تم أضافة تعليقك سوف يظهر بعد المراجعة