كلمات مؤثرة من زوجة اللواء ياسر عصر بعد سماع خبر استشهاده فى عمله.. فيديو

قالت زوجة الشهيد اللواء ياسر عصر، شهيد المترو: "كان المفروض أنه بيجى إجازة يوم الخميس والجمعة وبيمشى السبت الصبح وبيرجع يوم الأحد، بس هو عمره ما كان بيتأخر على أنه يؤدي واجبه لآخر وقت".

أضافت زوجة شهيد المترو، خلال لقائها بفضائية "TeN"، اليوم الثلاثاء: "المفروض أنه كان جاي أمس الإثنين وكلمته قبل الحادثة بوقت بسيط، قولتله أنت جاي، فقالى إن شاء الله مش عارف الله أعلم جاى ولا مش جاى، تقريبا كان حاسس".

وتابعت: "بعد شوية حسيت أنه فيه حاجه فرجعت اتصلت بيه لاقيت تليفونه مقفول.. فقولت أكيد فيه مشكلة وهو مش فاضى يرد عليا، وبعد كده التليفون اتفتح وفضلت اتصل بيه مش بيرد، وبعد كده لاقيت ابني نازل وبيقولى، إن باباه تعبان وفي المستشفى، فاتصلت بشقيق زوجى لقيته هناك فى المستشفى معاه، وهما ناس متماسكين جدا ولما بيكون فيه حاجه مش بيخلوا الستات يروحوا في حتة".

واسترسلت: "ولما وصلت المستشفى قالولى البقاء لله، وهو كان بيؤدي واجبه لآخر وقت خاصة لما عرف بحريق محطة مسرة، ولما ينتظر مجىء الحماية المدنية وقام بإطفاء الحريق بنفسه".

فى نفس السياق، قالت نجلة الشهيد ياسر عصر: "أنا كنت نايمة وصحيت لاقيت مامتي بتكلم أخويا زياد، وبيقولها إن بابا تعبان، وبعد كده ماما كلمت حد من أعمامي عشان يكون مع بابا، وفعلا لقينا حد منهم هناك، أنا دايما فخورة بيه سواء كان شهيد أو لأ، لأنه مكنش بيحاول يرمى شغله على ناس تانية لحد النهاية".