شخص حزين
مشاركة
نساي يا زمان نساي
بتموت ف الحزن ازاي؟
وان عزت الفرح تجيبلي
أكوام م الهم .. حداي
لو نفسي قالت شربات
تملالي الزير .. بالشاي
ولا ندعة سكر فيه..
والمر ساكن جواي
نساي يا زمان نساي
ما وراكش إياك إلاي؟
الناس ركبت صواريخ
وانا لسه ف عد خطاي
والريح تكنس في بلاطي
واشمعنى بس معاي
وانا حامد ربي وشاكر
ولخيره عمري ما ناكر
والعين صايداني ازاي؟
بتحوق فيا لوحدي
وكإنه ما فيش إلاي
مشاركة
تم أضافة تعليقك سوف يظهر بعد المراجعة