قعدت أدردش مع ورقة بردى و خدنى فضولى وهات يا كلام
عن عظمة أرضى وتاريخ أجدادى وسر بناء الأهرام
قلتلها احكيلى إزاى مصنوعة وقدرتى تعيشى أعوام وأعوام
بهرنى كلامها وسافرت معاها حاجة كدة تيجى 2000 عام
الله عليها وعلى جمالها الله على عظمة الإنسان
اللى فكر يصنَعها وينقل صورة لزمان وزمان
قلتلها بصراحة أنا مستغرب إزاى عمرك 2000 عام
قالتلى إزاى ده فيه أكبر منى وأقدم منى كمان بزمان
قلتلها أنا عارف بس أنا مستغرب إزاى ييجى فى بالكو تاريخ
إزاى طب و كيمياء و فيزياء و كمان علم فلك و نجوم
إزاى سر علوم الدنيا وإزاى دنيا بيكو تقوم
إزاى أحنا وانتو فراعنة و أزاى سبقونا فى علوم الكون
انتو تاريخنا و لينا زرعتو وجيلنا خذلكو وعاش على راحته
ضيعنا علومكم وغيرنا سبقوا منهم نسخوا ومنهم سرقوا
منهم مسخوا ومنهم غفلوا ومنهم صنعوا بيوت فرعون
تم أضافة تعليقك سوف يظهر بعد المراجعة