فيسبوك
واتساب
ليه مانزلتش يا بعيد
وانت عارف
إحنا داخلين على عيد
تأخرك يا مرتب
على القلب قاسى شديد
و البريد خلص فيه الرصيد
دول كانوا قرشين
مخليهم للواد فريد
قال : العيد ده
مفيهش لبس جديد
قلت :
فيه قليل من اللحم اختلط بعظم
و طبخة على أد الإيد
ومش كل شهر نفس الحوار معاك
ونفس الكلام فيه نعيد و نزيد
قال :
خلى عزمك حديد
واطلع السطح
وصرف الخردة و فند المخلفات تفنيد
قلت :
جيتنى بالحل المفيد
و سريعاً سوف أفك طلاسمها بالتأكيد
فالتاجر الشاطر
يقلب فى قديم دفاتره
إذا إحتاج الأمر والظرف يريد
*****
