أرسل القارئ محمد فوزى، أحد أهالى مدينة القليوبية، من إهمال "مستشفى بنها التعليمى"، مطالبا بوضع حد لمعاناتهم.
وقال فوزى، عبر خدمة عبر "صحافة المواطن"، إن مركز الأشعة الخاصة بمستشفى بنها التعليمى فى القليوبية متوقف، و"عملت حادث سيارة منذ فترة وبتردد من وقت لآخر على مستشفى بنها التعليمى، وللأسف كل لما الدكتور يطلب منى أشعة أدخل مركز الأشعة يقولوا مفيش أفلام، وساعتها بخرج من المستشفى وبروح مركز أشعة بعيد جدا وغالى جدا، رغم صعوبة تنقلى وعدم قدرتى على المشى بسبب الإصابة".
وطالب محمد فوزى، فى رسالة عبر "صحافة المواطن"، بسرعة حل المشكلة لتخفيف الألم عن المواطنين.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
عدد الردود 0
بواسطة:
Mohammed
فعلا دي مهزلة
فعلا دي مهزلة ولازم يكون في حل علشان خاطر المرضى
عدد الردود 0
بواسطة:
محمد
يارب
ربنا يشفي كل مريض
عدد الردود 0
بواسطة:
مصرى غيور
فعلا انا كنت شغال فى المستشفى و دية حقيقة
اقسم بالله مستشفى بنها التعليمى مهزله ونموذج لسوء الوضع الصحى فى مصر كنت شغال فيها فتره طويله واقسم بالله ان الحاجات دية بيتطلب من العيانين يجيبوها او يعملوها بره 1- جميع التحاليل بلا استثنى بعد الساعه 5 عصرا بتتعمل بره واسالوا وروحوا شوفوا بنفسكم ... اعلانات المعامل متعلقه فى قسم النسا والجراحه والباطنه ومتوزع كروت المعامل مع العمال وكل اما تحول اكتر يبقى ليك نسبة اكتر 2- جميع الاشعات بداية من الساعه 6 او 7 مساءا بتتعمل بره والله العظيم حتى لو عيان جاى فى حادثة او محتاج رنين مغناطيسى والمقوله الشهيرة الجهاز مش شغال بس السبب الحقيقى كله بيريح دماغه اخر النهار 3-اسالوا ودوروا على مدير المستشفى الفاشل اللى ماسكها من 2008 ومن ساعتها ومفيش فيها تطوير بحجه انها مسائل ادارية مع المقاولين 4- جميع حقن بنج الظهر اوقات كتير لازم العيان يشتريها من بره بغلاف ان والله اوقات كتير فى الطارئ مفيش حقن بنج موضعى او خيوط للجروح اليوم السابع لو فعلا همه الشعب وبيكشف الحقايق يروح يوم خرابة بنها التعليمى وهوه هيشوف المهزله وللعلم والله العظيم كل الاطباء فيها شغالين بايديهم واسنانهم بس هيه اداره فاشله لان الطبيب بيكتب الحجات اللى المريض محتاجها بس ميبقاش ذنيه او المفروض يدفع من جيبة لان اداره المستشفى الفاشله بتدعى ان معندهاش امكانيات
عدد الردود 0
بواسطة:
Mohammed
كلامك صح ياغيور
انا كنت في مستشفى بنها التعليمي النهارده والله وطلبوا مني اشتري كل حاجة من برة حتى القطن والجوانديات بتاع الدكاترة.
عدد الردود 0
بواسطة:
fadl
مهزلة بمعني الكلمه
مستشفي بنها التعليمي لا ترتقي ان تكون خرابة مخلفات ولابد من محاسبة كل مقصر داخل هذه المستشفي لا يوجد بها اي اهتمام او تمريض او تشخيص او دكتور نثق به خصوصا ف قسم العظام والجراحه اغيثوا المرضي من الاهمال وعدم العنايه بهم
عدد الردود 0
بواسطة:
محمد
بنها التعليمي
مستشفى بنها التعليمي فيها أطباء جيدين لكن المشكلة في الإمكانيات المتاحة ليهم.
عدد الردود 0
بواسطة:
Sss
مزبلة بكل المقاييس
فوق
عدد الردود 0
بواسطة:
Mohammed
مهزلة بجد
مستشفى بنها التعليمي حالها من سئ إلى أسوأ ولا حياة لمن تنادي
عدد الردود 0
بواسطة:
احمد
زبالة
في ناس كتير اتعملها عمليات في قسم العظام على يد واحد استشاري اسمه هاني عفيفي وطلعت كلها غلط.