شوفته فى المنام----أتمنيت الليل يطول
وطلبت من الغرام ---أعيش معاه على طول
باتمنى بس رضاه -----ده قلبه هو الكون
ونفسى أعيش وياه ----ده قلبى بيه مجنون
فى حضنه بحس بأمان ---ومعاه حلوة الحياه
قلبه نبع الحنان ---- وقلبى بيرتاح معاه
نفسى معاه أعيش ----وأعوض اللى فات
ده قبله يا ناس ماليش--- وبعده الماضى مات
احلوت السنين -----من يوم ما قابلنى هواه
وعشنا فرحانين -------انا وقلبى معاه
تم أضافة تعليقك سوف يظهر بعد المراجعة