فيسبوك
واتساب
الجنيه انهار قصاد الدولار
والأسعار ولعت نار
فى كل حاجة حتى الخضار
وده من جشع التجار
ولا الحكومة فى حالة استهتار
بالشعب وإحساسه بالانكسار
مش طالبين أعذار
أو كلام يتقال وأشعار
المشاكل واضحة مش أسرار
كفاية أضرار فين الافكار
لازم الاعتراف بالعجز مش بالإنكار
المرتب فى حالة دمار
ولا قادر على طلبات الدار
الديون عمله عليه حصار
والسلف كتر من شدة الاضطرار
ومستوى المعيشة فى حالة انحدار
الصبر طال للفرج بانتظار
امتى نشوف حياتنا فى ازدهار
ونعرف معنى الادخار
خذوا كلامى بعين الاعتبار
ولا تأخذه باستنكار
الحكاية باختصار
إحنا محتاجين الاستقرار
وبلدنا تحت الانظار
الحياة بقت مرار
والواحد حاسس بالاحتضار
