أثارت عروس قامت بغسل أرجل زوجها فى الفرح حالة من الجدل على موقع التواصل الاجتماعى فيس بوك بين رافضا للفكرة ومؤيدا وبين من وجدها إهانة للمرأة ومن وجدها حالة من التعبير عن الحب الحقيقى.
وتباينت ردود الأفعال على صور العروسة التى تم نشرها على موقع التواصل الاجتماعى فيس بوك من خلال تعليقاتهم على الصور فكتبت نجوى سيد طه تعليق كتبت فيه "متزعلوش منى بصراحة دى إهانة وإذلال،الست ممكن تغسل رجل زوجها برضاها بينها وبينه فى بيتهم لما تحس أنه جاى من الشغل مرهق لكن فى ليلة فرحها وقدام الكل"، وأكملت موجهة كلامها للعروسة" قابلى بقى ياعروسة المعاملة اللى بعد كده".
وعبرت ماريان ماهر عن رأيها "صدقينى مش بغسل الرجلين نهائى،سى السيد مراته كانت بتغسله رجله وكان بيخونها عادى، المحبة الحقيقة أفعال حقيقية ستظهر فى حياتكم وأفعالكم مع بعض بعدين، أنا عارفة أنه كان فى نيتك تعملى حاجة حلوة بس أسأتى أختيار الفكرة جدا والمنظر خارج المألوف تماما".
فيما وجدت مروة عاطف أن ذلك يعتبر نوعا من أنواع التعبير عن الحب وكتبت "مسلمة أو مسيحية طاعة الزوج من طاعة ربنا هى حرة فى تعبيرها عن حبها لزوجها فى أى وقت وأى مكان وليس من حق أحد ان ينتقدها"، واستكملت مروة "ربنا يباركلهم فى حياتهم وده مش ذل ولا حاجة ده نوع من أنواع الحب والرحمة ولو هو مايستهلش المعاملة دى وأكثر ماكنتش أتصرفت كده هو اللى وصلها للمرحلة دى من العطاء وحبها له".
فيما وجد البعض أن العروسة قامت بذلك متمثلة بالسيد المسيح حيث قام بغسل أرجل التلاميذ للتعبير عن الحب والتواضع.
فكتب المصور الذى قام بتصوير الصور" مارينا قدمت أجمل رمز للحب والبذل ركعت على الأرض مثل سيدها وهى بكامل زينتها وبهائها لتغسل أرجل عريسها، أول مرة أصور عروسة بتقدم المعنى ده من الحب، وواثق أن رومانى بيبادلك نفس القوة فى المحبة ربنا يسعدكم ويبارك فى بيتكم".
واختلفت كريستين مع رأى المصور الذى وجد مافعلته العروسة مشابها لما فعله السيد المسيح بغسل أرجل التلاميذ وكتبت معلقة على الصور"اللي عايزة أقولهولك عايزين فعلا أنتوا الاتنين تطبقوا ما فعله المسيح مع تلاميذه لما غسل رجليهم، طب كويس المفروض بقي اللي يقوم بفعل المسيح هو الراجل، يعنی زی مالمسيح غسل أرجل تلاميذه،فالمفروض العريس يغسل رجلين عروسته،لأن من المعروف طقسيا وكنسيا إن لما يحبوا يشبهوا علاقه الزوج بزوجته فى المحبة والتضحية بيشبها بالمسيح والكنيسة اللى فيها المسيح ضحی بنفسه عشانها صح ولا لا".
عدد الردود 0
بواسطة:
عروس البحر
تصرف سئ جدا
كان مفروض العريس نفسه يرفضه شكل مهين لشئ حتى لو بيحدث كان مفروض يبقى شئ خاص بيهم مش على العام طب العريس هيبقى يصور نفسه لو غسل لها رجليها ولا المواعين بكل فخر زى ما هى عملت ؟؟؟ لا اعتقد وده فى حد ذاته يرد على غباء تلك الفتاة التى لم تهين نفسها فقط بل اهانت كل فتاة ... لا اوافق على ذلك التصرف لبدا
عدد الردود 0
بواسطة:
بسمة
للدرجة دى ريحة رجلك وحشة وعفنة
مش قادرة تستحمل ياعينى ريحة رجلو معفن وجاية تنظفو قدام الناس بحجت ان انا بحبو هههههههههه انت تفضحت يا معفن
عدد الردود 0
بواسطة:
حنان المرجاوى - بورسعيد
العريس اصلع والعروسه تخينة
اتجوزوا كبار بعد عذاب ومعاناة . ربنا يسعدهم ويهدى سرهم ويرزقهم بالذرية الصالحة .
عدد الردود 0
بواسطة:
ايمان
انتصار جاهلية العرف رقى الدين
مهى دى الثقافه اللى لا تمت للدين بصله اللى الهمج روجوها حتى تحول الزواج من سكن و موده و رحمه الى قهر و ظلم و قسوه، ربنا امر المرأه تطيع زوجها لكن مش فى المطلق، لكن تطيعه لما يستمر الخلاف فى الرأى بعد النقاش و يبقى لازم رأى واحد اللى يمشى،و لان الزوج هو اللى كان زمااااااان بيتحمل كل النفقه و المشقه و كانت الزوجه مدلله و بيجيلها كله على الجاهز بالخدم و الحشم و الجوارى و العبيد فكان طبيعى ان فى الخلاف كلامه هو اللى يمشى لانه هو اللى شايل العبىء كله و نتايج اى قرار كان هو اللى بيتحملها، لكن احنا حولنا كل الظروف المنطقيه دى الى ممارسات مذله لاظهار الطاعه العمياء اللى تتنافى مع امر ربنا من ان الزواج سكن و موده و رحمه و قول الرسول ان النساء شقائق الرجال فى انتصار لجاهلية العرف على رقى الاسلام
عدد الردود 0
بواسطة:
smsm
الف مبروك للعروسين ولا عزاء للحاقدين
بارك الله لكم وبارك عليكم وبارك فيكم ، وجعلكم أسرة سعيدة ،،
عدد الردود 0
بواسطة:
عمرو سالم
تقاليع سخيفة
عبط وهبل واستعباط بعض المصريين الجهلة أكيد معاها الإعدادية لان مفيش واحدة متعلمة ومثقفة تعمل كده وكمان واضح انها من حى شعبى وشكلها بلدى وعاوزة بس تلفت الانتباه بأى شكل حتى ولو على حساب كرامتها
عدد الردود 0
بواسطة:
هناء الحبشى
تعليق للاسف معفن !
للاسف التعليق 2 معفن جدا" , وذو رائحه عفنة لدرجه انى مش طايقة الريحة !!! , من فضلك رشى شويه كلونيا !
عدد الردود 0
بواسطة:
محمد حجازي
بارك الله لكما وبارك عليكما وجمع بينكما في خير
ربنا يسعدكم ويهدي سركم ، ويرزق كل شاب الزوجة الصالحة وكل فتاه الزوج الصالح ، الى الناس اللي بتنتقد ياريت كل واحد لو ينتقد ينتقي أسلوب محترم في الانتقاد ؟ خليك راجل محترم .......
عدد الردود 0
بواسطة:
مراد
نوع من النساء في طريق الإنقراض. .
للأسف هذا النوع من النساء انقرض تماما.. حاليا النوع الموجود بكثرة هو ذلك الذي يمسح بيك الأرض
عدد الردود 0
بواسطة:
مجدى
ما كنتش تعرف إنها إتجوزت واحد رائحة الشراب و رجلة معفنة علشان كدة قامت بغسل رجلة
فوق