فيسبوك
واتساب
يا اللى بتقتل مصريين
قولى بربك شرعك مين؟
أوعى تقول عن نفسك مسلم
أو نَصرانى بتنصر دين
دا اللى بيقتل أهله وناسه
يبقى طبيعى ما عندوش دين
واللى يهد فى وطنه و بيته
و اللى بيحرق زرعة غيطه
واللى بيرهب ناس أمنين
يبقى طبيعى ما عندوش دين
واللى بيقتل جندى فى جيشه
أو شاب يادوب بيدبق عيشه
واللى ييتم طفل وأخته
واللى يفرق زوج عن زوجته
يبقى طبيعى ما عندوش دين
واللى بيقتل طفل برىء
ومفكر نفسه بجد جرىء
واللى بيعمل عامله ويجرى
ويدبس فيها ناس تانيين
يبقى طبيعى ما عندوش دين
يا اللى بتقتل مصريين
قولى بربك شرعك مين؟
ويا اللى بتقتل برضه فى سينا
وعامل نفسك من أهالينا
ويا اللى بتقتل على باب جامع
أو حتى بتقتل جوه الدير
قولى بربك أيه راح تاخد
غير بس لاعاين أهل الخير
