قالت منى السيد، الفتاة صاحبة الصورة المنتشرة عبر مواقع التواصل خلال الأيام الماضية، أثناء جرها كراتين بضائع، بينما يجلس شباب كثيرون على المقهى فى نفس الصورة: "بساعد نفسى، ومعرفش مين صورنى الصورة دى".
وأضافت خلال مداخلة هاتفية لبرنامج "كل يوم"، على فضائية "on E"، مع الإعلامى عمرو أديب، أن ما دفعها للعمل هو "لقمة العيش"، مشيرة إلى أن لها 3 أخوة، وتعمل بسبب حبها العمل قائلة: "أنا حابة الشغلانة دى عشان بساعد نفسى، وأمى وأبويا ميتين".
وأوضحت أنها تعمل من الساعة الثامنة صباحا وحتى الثامنة مساء، وتبيع البضائع للمحلات، لافتة إلى أن عمرها 40 عاماً، وتعمل منذ 20 عاماً، ولم تكمل تعليمها وخرجت من التعليم فى الصف السادس الابتدائى.
وعن الشباب الجالسين على المقاهى دون عمل قالت: "ابن أمه هو.. بيقعد ع القهوة ولو أمه بتقوله اطلع استرزق هيطلع"، مستطردة: "أنا زعلت أن صورتى أخدوها على سهوة، وعرفت أنك بتدور على من صاحبتى".
من جانبه أعلن الإعلامى عمرو أديب، أن أحد رجال الأعمال سيرسل لها البضاعة التى تعمل بها بدون أموال، وآخر تبرع بـ100 ألف جنيه.
عدد الردود 0
بواسطة:
شاب مصري ضايع حقه ومشتوم كمان
ما كفاية تهزيق في الشباب اللي على القهاوي
هو ايه الحكاية؟ هو القعدة على القهوة بقى معناها الفشل خلاص؟ طب ما في أمريكا البارات في كل شارع وبتبقى مليانة ناس رغم إنهم مجتمعات ناجحة. عشان يبرروا الفشل الحكومي بيشتموا الشباب ليل ونهار وكمان الإعلاميين اللي بياخدوا ملايين من الهوا اللي بيذلونا وكأنهم يا عيني بيتعبوا في شغلهم اللي كله عبارة عن رغي ساعتين كل يوم لمدة أربع تيام بالكتير في الأسبوع وفاكرين نفسهم مكافحين وتعبانين وهم شغالين بواسطة كلهم. حاجة تحرق الدم..............المفروض الشباب يبتدي حملات مقاطعة لأي توك شو مالوش لزمة بيشتمه بالشكل عشان بقت حاجة تقرف. انشر يا عم ابوس ايدك انا دمي اتحرق.
عدد الردود 0
بواسطة:
اشرف
مني السيد
الاخت العزيزة مني ربنا يبارك لك ويعطيك الصحة والعافية
عدد الردود 0
بواسطة:
كمال
انا من البلد دي
دي دعوة لكل الشباب العاطل واللي كان عنده حلم في بلده انه ينزل يشتغل شيال او يبيع مناديل او يسرح بعربية ذرة علشان ما يبقاش ( ابن امه ) وبكده البلد هتتقدم بينا وهنقدر ندخل عمله صعبة ونحل مشاكل البلد وتوته توته خلصت الحدوتة .
عدد الردود 0
بواسطة:
انسان
برفوا عليكى . الشباب الحالى هو شباب القهاوى والكيف بكل انواعه من اول الفراوله حتى الشبو الكيف الجديد
ربنا يعطيكى العافيه والله لكى كل الاحترام العمل عباده ........ اما الشباب الحالى شباب عايز مكتب وسكرتيره حلوه .. ومع الاسف الام المفروض مدرسة لكن هى بتخسر الاولاد وخصوصاً الصبيان ..... الشباب الحالى شباب قصات الشعر الجديده والاهتمام بالاناقه عشان البنات طبعا ً تحبه ...... بالاضافه إلى جزء من الشباب متجه للكيف بكل انواعه ............. والسبب الأسرة وخصوصاً الأم عشان يمكن الاب مشغول بعمله .
عدد الردود 0
بواسطة:
منى بمليون شاب عاطل
?
ربنا يحفظك يا منى ويبارك لك في عمرك وسنك وجهدك وصحتك
عدد الردود 0
بواسطة:
صلاح المصري الاهلاوي
الى الأخ ابو دم محروق رقم 1
يا اخي الفاضل لانقصد اهانه ولا شتم ولا سب للجالسين على القهاوي ولكن الشغل مالي البلد واي واحد عايز يشتغل يتعب ويدور على شغل وسيجد شغل ان شاء الله مثلا انت جالس على القهوه البلدي بتصرف كام الشاي اصبح ب 4 جم وحجر الشيشه ب5 جم هاتشرب كام حجر على الأقل 4 يكون الحساب 25 جم يعني في الشهر 750 جم طيب لو انت اشتغلت ب 1500 جم فقط في الشهر +750 سيكون وفرت 2250 جم تفتح بهم بيت وتعيش سعيد بدون اضرار صحيه من الشيشة والشغل موجود بهذا المرتب في جميع شركات أكتوبر والعبور مع توفير اتوبيسات للنقل وتامين صحي وغيره وربنا يوفقك لما فيه الخير
عدد الردود 0
بواسطة:
طرازان
رجاء تعديل العنوان !!!!!
لايصح ان نطلق عليها فتاة الشارع ... أرجوكم نعديلة بعنوان تحية لهذه الفتاه ... أرجوكم انها فتاة بمئة رجل
عدد الردود 0
بواسطة:
ابو مصطفي
افهموا معني الكلام!
معني الكلام أن كل واحد يشتغل ويفكر في حاجة يعملها ،وان العمل ليس عيبا ،والمقصود الجالسين علي المقاهي ينتظرون الحكومة تشغلهم ! الحكومة لا تشغل احد الآن ،فقط الاوائل والمتميزين كمعيدين او في السلك القضائي اذا دعت الحاجة .الحكومة توفر التعليم المجاني فقط ،اما صقل المهارات وتعلم مايحتاجه سوق العمل ،فهذا يرجع للشاب وطموحه .
عدد الردود 0
بواسطة:
سعد الدين
بصراحه ..
بصراحه نص الشباب حاليا صايع على القهاوى ولا عنده فكر ولا ثقافه ولا حتى إرادة للشغل ويعتمد اعتماد كلى على الفهلوه ونصب على بعضنا البعض وازى ينصب على غيره بدون ما يتعب ولا يجتهد وده انتاج 30 سنه فساد فى كل شيء علمنا مبترك السرقه والنصب ولا علمنا ازى نشتغل ونبنى أنفسنا بجتهاد وشرف
عدد الردود 0
بواسطة:
كريم
تحيه للشباب
انا مش عارف ليه الاعلاميين كل اما يتكلموا يقولوا الشباب ايلى على القهاوى , انزل يااعلامى يامحترم اى قهوه اسال الناس ايلى قاعده عليها هتلاقى المهندس والدكتور والمحاسب وشغالين على فكره مش عاطلين لكن لما حد يحب يقابل صحابه بيعد على القهوه لان ما ينفعش يعد فى البيت ويدخل شباب البيت , مش معنى ذلك انه فاشل الفاشل مش بيبقى معاه شلن عشان يعد بيه على القهوه وبتلاقيه قاعد على الناصيه يثبت الناس بالمطواه دول ايلى تدوروا عليهم