شهد كوبرى أكتوبر، محاولة انتحار سيدة من أعلى لوحة إعلانات، بسبب رغبتها فى الحصول على وظيفة، إلا أن رجال الشرطة بمديرية أمن القاهرة، نجحوا فى التعامل مع الموقف بذكاء، وتم الاستعانة بطبيبة نفسية وصعودها للسيدة، حتى تم إقناعها بالعدول عن قرار الانتحار، ونجح رجال الحماية المدنية فى إنزالهما من أعلى اللوحة.
.jpg "رجال الحماية المدنية تحاول صعود لوحة الإعلانات")
رجال الحماية المدنية تحاول صعود لوحة الإعلانات
تفاصيل الواقعة بدأت بتلقى الأجهزة الأمنية بالقاهرة، صباح اليوم الجمعة، بلاغا بصعود سيدة أعلى لوحة إعلانات أعلى كوبرى أكتوبر بميدان التحرير، والتهديد بإلقاء نفسها من أعلى، وعلى الفور تم إخطار اللواء خالد عبد العال مدير أمن القاهرة، والذى وجه بسرعة انتقال رجال الشرطة ورجال الحماية المدنية لإنقاذها.
.jpg "انتشار سيارات الحماية المدنية أعلى كوبرى أكتوبر لإنقاذ السيدة")
انتشار سيارات الحماية المدنية أعلى كوبرى أكتوبر لإنقاذ السيدة
وفور وصول رجال الشرطة، تبين أن السيدة "هند ع ف" 30 سنة، ربة منزل، ومقيمة شبرا الخيمة، وأفادت لرجال الشرطة بأنها اعتلت لوحة الإعلانات وستقدم على الانتحار بإلقاء نفسها من أعلى، بسبب رغبتها فى الحصول على وظيفة.
.jpg "لحظة صعود رجال الحماية المدنية لإنقاذ السيدة")
لحظة صعود رجال الحماية المدنية لإنقاذ السيدة
ومن جانبه، أسرع اللواء طارق حسونة مدير قطاع الغرب، والعميد سموئل أبو سحلى مأمور قسم شرطة قصر النيل، باستدعاء طبيبية نفسية، حيث صعدت إلى السيدة أعلى لوحة الإعلانات، وظلت قرابة نصف ساعة كاملة معها حتى نجحت فى إقناعها بالنزول، وأنه سيتم مساعدتها فى توفير وظيفة لها.
.jpg "لحظة نزول السيدة بصحبة رجال الحماية المدنية")
لحظة نزول السيدة بصحبة رجال الحماية المدنية
وبالفعل وعقب نجاح محاولات الطبيبة النفسية، أسرع رجال الحماية المدنية فى إنقاذها، وتم استخدام السلالم الهيدروليكية وإنزالها والطبيبة بسلام، وتم تحرير محضرا بالواقعة.
.jpg "ربة المنزل بعد نزولها بسلام")
ربة المنزل بعد نزولها بسلام
عدد الردود 0
بواسطة:
moustafa
فيلم هندى
ماتسيبوها تغور فى ستين داهية وتموت كافرة تروح تلاقى زبانية جهنم منتظرينها لانكم بالطريقة دى ح تتحايلوا كل يوم على مائة واحد او واحدة علشان ماينتحروش وطبعا كله ابتزاز لضعف القائمين على البلد والطبطبة لشعب لايمتثل الا بالكرباج وعلى فكرة اقسم بالله العظيم البلد فيها شغل كتير ومن غير واسطة لو حققتوا طلبها قابلوا بقى طوفان المنتحرين وسيبوا شغل الامن العام علشان الاخوان ياخدوا راحتهم ويخربوها
عدد الردود 0
بواسطة:
زهرة
تمثيلية
قبضتى كام ومن مين علشان تمثلى المشهد ده ووكالات الأنباء تصور والقنوات إياها تعرض ..لو الأمن أستنى شوية كانت حترجع زى شادية ف الزوجة 13 ..لأنها تمثيلية واضحة
عدد الردود 0
بواسطة:
mohamed badawy
من منكم بلا خطئيه فليرمها بحجر
الى نمره 1 و 2 قبل ما تتفضل حضرتك وتقول انها تمثيله مدفوعه الاجر وكأنك عايش معها ال 24 ساعه ... بص للحال ال احنا فيه.... اسعار فى الطالع....الدولار فى الطالع,, دعم فى النازل..مرتبات محلك سر, فرص عمل فى الباى باى ,,مش كل الناس زى حضراتكوا عارفين يعيشوا فى الوضع الزفت ال الشعب المصرى حكم عليه ابد الدهر يعيش فيه... يا ريت من الساده المسؤلين اصحاب القرارات المبهره فى الايام القليه الماضيه من قيمه مضافه وتعويم الجنيه ورفع الدعم وزياده البنزين................الخ ولعوا فى ابونا وخلصونا من ام العيشه الزفت دى....
عدد الردود 0
بواسطة:
عم سلامة
عجبى!
ناس مش لاقية شغل علشان بس تاكل وناس بتاخد خمسين ومائة الف جنيه فى الشهر وناس بتاخد مرتبين من جهتين مختلفتين فى وقت واحد
عدد الردود 0
بواسطة:
صبرى محمد عبد المنعم
لاصحاب التعليق 1و2
أرجو من الجميع بلاش لغة التشكيك في بعضنا البعض وانتو ايش عرفكم أنها مجربتش تشتغل والراتب مقدهاش هى واولادها
عدد الردود 0
بواسطة:
داليا
اليأس يعمل اكتر من كده
اليأس يعمل اكتر من كده بلاش تتجنوا عليها وتقولوا تغور في داهيه الحال واقف والناس أغلبهم غلابه والاسعار في ارتفاع مستمر والشغل مفيش ربنا يرحمنا برحمته
عدد الردود 0
بواسطة:
محمد
فين الحقيقة
هناك نقطتين محتاجين توضيح : الأولى أن ملابس المدام لا توحى بالفقر أو العوز .... وشكلها سيدة مثقفة الثانية ليه تنتحر عند كوبرى 6 أكتوبر وفى وضح النهار وبكل هذا الهدوء .. طب ليه منتحرتش فى مكان آخر حتى ولو من فقو سطح بيتهم ومثلا بالليل مش بالنهار ؟؟؟؟ المجتمع بقى فيه حاجات غريبة ... ربنا يسترها ..