فيسبوك
واتساب
دنيا عجيبة اتشعلق فيها----- فرح ويُتم وشوق مدّاح
فيها إحساس الناس مداريها---فيها التايه والسوّاح
واللى مداعب باب الدنيا----واللى مودّع أهله وراح
واللى بتكدب فيها دموعه-----حتى ولو يقلبها نواح
واللى بيضحك ليها وهىّ---هدّت قلبه ب طِنّ جراح
واللى مفكّر نفسه فتوة------تلقاه ذكرى بأى صباح
واللى يداوى قلوب تعبانه-----لكن قلبه يعوز جرّاح
واللى بيحلم يمكن حلمه------يطلع جد ويوم يرتاح
دنيا عجيبة دنيا غريبة-----كله بيشكى من الأتراح
