فيسبوك
واتساب
حلمى الأكبر يمكن
ألخصه فى كلمتين مش أكتر
أنى أشوف الناس كلها
عايشة فى سعادة
لا واحد م الفقر بيشتكى
أو بيدور على زيادة
أو بيعانى من الحاجة
أو أسمع عن مريض
دخل فى يوم العيادة
والخير متلتل
فى ربوع مصر
وطعم الدنيا يبقى سكر زيادة
نفسى فى حاجات كتيرة
أنى أسمع عنها
او أشوفها تفرح قلبى
وقلوب الناس
أن تنتهى الأنانية
من بعض الناس
والنفس تبقى عزيزة
وعندها إحساس
اللى عنده يدى وبسخاء
وساعتها الرب هايبارك
ويزيد فى الرخاء
