محمد عبد الله طاهر يكتب: تعبنا خلاص

عدد الردود 0

وعدت

فاجأة اقتحمت حياتى ورميت شباك الحب لمشاعر عطشانة استغربت فى الاول وكنت خايفة كلامك طمنى وحسسنى انك طاير بيا ودوقت معاك مشاعر جميلة مجربتهاش ولا عرفتهاش قبلك حسستنى انى ملكة متوجة كنت بتغير من مجرد انى ارد على سؤال وفاجأة برضه بدون اى مقدمات بعدت عنى وتركتنى ادور وابحث عن الاسباب مالقتش حاجة غير انى حبيت بقوة واديتك اكتر مما تستحق وقيمة كبيرة ماتستحقهاش كنت عمياء كانت مشاعر بريئة مخلصة جوهرة هنتها لما حطيتها بين ايديك كنت بموت لو عرفت انك تعبان ولا فيه شئ مضايقك كنت نفسى اطمن عليك واعرف عنك انك بس سعيد فرحان ومافيش حاجة تضايقك كانت النتيجة انك افتكرت انى جارية احلامك وانى بلا حقوق وزى ما دخلتنى ودخلت حياتى بمزاجك سبتها انت بمزاجك برضة من غير ضميرك ما يوجعك ولا يحس بالى عملته فيا مش هقول غير الدنيا هدور وهاخد حقى منك واكيد لازم تدوق من نفس الكاس هذه هى عدالة السماء التى انتظرها بكل شوق