جمال الورد والألحان
وشدو الطير ع الأغصان
بتيه ودلال ما غنّى وقال
جناين إيه وألحان إيه
حنان الأم بعديه إيه؟
...
وضمُّة حضْن تعصرنى
وعطف وودّ حيّرنى
دعاكى بيه أنا سايِر
وربِّ الكون يصبّرنى
وجنِّة ربِّى ف أقدامكْ
وخير الكون قدّامكْ
وحُبّ الله ساكن قلبكْ
ملايكة ربِّ خدَّامكْ
دعاء الأمْ سرجْ نورى
فرشْلى خطْوتى بهجة
ونوَّر شمعتى القايدة
ونظَّمْ فى الخطى سيرى
حمال الورد تحنانك
تغنِّى الدنيا ألحانكْ
وبدعى الله يغفرلكْ
ويرفع فى السما شانك
لغير الله لو أسجدْ
وبالختمة وما أعبدْ
جوارح قلب تخشع لك
وربِّ غفور وأنا موحِّدْ
إله الكون وضع سرُّه
ف قلب الأم كان بِرُّه
حبيبة القلب بهْواكى
وبرِى بيكِ من برّه
جمال الورد والألحان
وشدو الطير ع الأغصان
بتيه ودلال ما غنّى وقال
جناين إيه وألحان إيه
حنان الأم بعديه إيه
تم أضافة تعليقك سوف يظهر بعد المراجعة