بالفيديو..بعد دراسته بإنجلترا..”عم أحمد” يرسم لوحات فنية بالسيدة زينب:”وطنى حلو”

إذا مررت بأحد شوارع السيدة زينب، تجذبك لوحات فنية رائعة أمام محل صغير يجلس بداخله رجل عجوز يبلغ من العمر الـ 75 عاما وبفمه “بايب” وأمامه لوحة فنية ينتهى من رسمها.

هو عم أحمد ابراهيم الذى يبلغ من العمر 75 عاما، يروى قصته مع الفن قائلاً:”درست فن تشكيلى فى أكاديمية الفنون بإنجلترا وعشت فترة فى حياتى بدول أوروبية مختلفة مفكرتش أعمل معارض فنية وقررت أرجع مصر لأنها وطنى وأول ما رجعت عملت جاليرى صغير فى حى السيدة زينب المنطقة اتربيت ونشأت فيها”.



تابع:”أنا وطنى حلو وفيه أسرتى وأولادى وبنسبة 90 % فيه ناس بتحب الفن هنا أوى وبتفهم فيه وأنا مبسوط هنا وعايش كويس أوى”.

وأضاف:”أمنيتى إن بلدنا تكون بخير واللى مش بيشتغل يشتغل لأن عندى اتنين من ولادى خريجى سياحة وفنادق مش بيشتغلوا ونفسى كمان يكون فيه تحضر فى السلوك”.