كارهة صراحة قلبى وطيبته
عايزانى الف كمان وادور
دُغرى ياروحى وهفضل دُغري
لو ترمينى ف قلب بحور
عاشقة الزيف وزواقك طينته
عايشة الوهم وعقلك فاضي
عايزة تكونى ف قلب المحور
والناس ساقية تدور ع الفاضي
كرسى الملكة محجوز ليكي
والجلاد وكمان القاضي
كل الدنيا بحمد تسبح
عرش جلالك فوق انقاضي
حاجزة الحب وشارية مدينته
حطة عساكر ع الأبواب
لو اقول لأه جنابك هنته
قولة آه تفتح لى الباب
لأ يا حبيبتى وألفين لأه
كل كلامى صراحة عجينته
وان كان لأه قفلت مدينته
وحطيت قفل على الأبواب
ورقة وقلم
لا توجد تعليقات على الخبر
تم أضافة تعليقك سوف يظهر بعد المراجعة