فيسبوك
واتساب
كل الخيوط اتقطعت
فى لحظة عناد
كل المشاعر اتبعترت
والليل أصبح رماد
والحلم اللى كان أمل
ساكن حضن السهاد
ضاعت ملامحه واتغيرت
ليه اخترتى البعاد؟
بسألك والمطر نازل م السما
وصوت المأذن شيفاه ضباب
ليه الفجر ملامحه تختفى
والعمر عدى سراب
والحب اللى كان مالى قلوبنا
اتقطعت حروفه وقت الغياب
خلى الزمان يكتب حكايتى
يرسم ملامحك فوق السحاب
ضحكتى خايفة الرجوع
والوجع ساكن الدموع
وصوت الجفا قاتل
بيطفى نور الشموع
والشوق بركان حنان
ماشى جوه الضلوع
والاشتياق مهما يطول
بلاقى الحنين موجوع
يا للى شايفة ملامح البعاد
منقوشة على وريدى
يا للى حاسة عهدى حياه
ليه بترفضى أيدى
بحبك ويعلم ربى إنى بريدك
وصوتك لحن فى ليلى
لو تغيبى عنى يوم
تغيب الدنيا عن عينى
حبيبين فى حالة خصام
