ياسر سامي في بودكاست الشغلانة: الناس لسه بتتفرج على ذئاب الجبل علشان تعمل مسلسل صعيدي

تحدث المخرج ياسر سامي عن الدراما الصعيدية وكواليس مسلسل نسر الصعيد، وتحضيرات وتجهيزات الدراما الخاصة بالصعيد في الوقت الحالي، اثناء تواجده ضيفاً في بودكاست الشغلانة الذي يقدمه الناقد الفني آسر أحمد ويعرض عبر منصات اليوم السابع  المختلفة.

وقال المخرج ياسر سامي :"الناس بتاخد الريفرينس من الريفرنس، في ناس بتروح تتفرج على مسلسل ذئاب الجبل علشان تعمل مسلسل صعيدي، ودا غلط طبعاً، الموضوع سهل اعمل بحث بسيط وشوف التطور الى وصل له الصعيد دلوقتي، انا صعيدي وكان والدي بيورينا طول الوقت اقاربنا ، عندي انتماء طول الوقت للصعيد، ولما روحت اصور الصعيد".

وأضاف المخرج ياسر سامي قائلاً :"المسلسل دا كان فيه مشكلة خطيرة، رمضان كان دوره في المسلسل رجل شريف، والادوار دي مش بتنجح عادة، الحرامي والنصاب ينجح، لكن الشريف ينجح ليه؟ ضابط شريف، مكنش في صراع، خلقنا صراع وكان محمد رمضان له يد في دا، رمضان جاى من مسلسل الأسطورة وكان مسلسل ناجح جداً ومكسر الدنيا، جاى لمخرج يخرج لأول مرة".

من هو المخرج ياسر سامي

المخرج ياسر سامي له بصمة كبيرة جداً في صناعة الكليبات المختلفة، أهمهم أول كليب للنجم محمد رمضان "مافيا مافيا"، وأول كليب للنجم محمود العسيلي " تررم"، ومسلسل نسر الصعيد للنجم محمد رمضان، ومسلسل النهاية للنجم يوسف الشريف ومسلسل الأجهر ومسلسل القرار.

الموسم الثاني من بودكاست الشغلانة

ويعود الموسم الثاني من بودكاست الشغلانة للزميل آسر أحمد، بتفاصيل وضيوف من قطاعات جديدة داخل المشاريع السينمائية والدرامية والمسرحية والموسيقية، حيث يضم الموسم الجديد ضيوفاً من التوزيع الموسيقي والتلحين والإنتاج الفني الدرامي والسينمائي والإخراج المسرحي والـstunt والكثير من القطاعات المختلفة.