ساموزين: بحضر لفيلم كوميدى وشغال كتير على الورق عشان السوق مابيرحمش

كشف الفنان والمطرب ساموزين عن استعداده للعودة للسينما من خلال فيلم جديد، حيث قال فى مداخلة هاتفية لتليفزيون اليوم السابع: «داخل فيلم على أول السنة الجديدة.. هيكون كوميدى.. بس بشتغل عليه كتير لإنى متردد فيه، وقلقان جدا فشغالين كتير على الورق، وبندرسه كويس وبالذات في الوقت ده.. الواحد ما ينفعش أعمل حاجة فيها تهاون أو تقليل من العمل، عشان خلاص بقى فيه مستويات عالية فى كل حاجة بتتقدم والسوق ما بيرحمش».

وعن ابتعاده عن السينما بعد فيلم «90 دقيقة»، قال ساموزين لتليفزيون اليوم السابع: «الفيلم ليه بصمة كبيرة عند الناس، والظروف فعلا كان ليها دور فى الابتعاد وأحيانا عوامل بتطرأ بتغير الدنيا، وكمان الغناء أنا بالنسبة لى ليه مكان مهم أوى في حياتى.. المجال في الغناء أنا بحبه جدا.. والفترة اللى فاتت مالقتش حاجة تشدنى، إلا أن لقيت فكرة قريب لإنى لازم أحس إنى بقدم حاجة جديدة في السينما بالنسبة لى».

يذكر أن ساموزين قدم فيلم 90 دقيقة، عام 2006، أى مر عليه 20 عاما، وشاركه البطولة كل من غادة عبد الرازق وزينة وأحمد هارون وحجاج عبد العظيم ونهال عنبر، من تأليف وليد التابعى، وإخراج إسماعيل فاروق.