ساموزين عن تعاونه مع محمد رمضان: المشروع لم يكتمل والدنيا اتغيرت

أكد الفنان ساموزين أن المشروع الغنائى الذى كان مفترضا أن يقدمه مع الفنان محمد رمضان لم يكتمل، حيث كان يرغب في تقديم ديو غنائى معه.

وقال الفنان ساموزين في مداخلة هاتفية لتليفزيون اليوم السابع: «المواضيع اللى كانت حاصلة وكنا هنعملها أتغيرت الظروف شوية، وكل واحد مننا انشغل، ولم نتواصل بعدها أنا والنجم محمد رمضان.. ولم نطرح الموضوع مرة أخرى عشان نعمله.. ظروف بتتغير الفترة دى كل واحد بيفكر بطريقة جديدة».

ساموزين: كليب «بايظة» ملابسه مقصودة وكلماتها بتفوقك عشان ترتب أوضاعك

قال الفنان ساموزين في مداخلة هاتفية لتليفزيون اليوم السابع: "أنا فنان والناس متعود عليا من زمان جدا.. أنا بعمل أفكار ومشارع غنائية أو تمثيلية وليها فكر معين وتوجه معين.. حابين نغير.. إحنا في الصيف نضحك شوية ونهزر شوية.. ونرجع نقول الحمد لله الأغنية عاملة تريند وعاملة ريلز كتير.. وأنا اتفاجئت وأنا بغنيها في حفلة العلمين الناس كلها حفظاها.. ولازم الكليب يكون ليه رؤية معبرة عن حال الأغنية".

وأضاف ساموزين لتليفزيون اليوم السابع قائلا: "إحنا دايما فى زمن متغير والبوظان ده أحيانا بيفوق الناس.. البعض قال بايظة، وساموزين عامل أغنية كلماتها فيها طاقة سلبية، لكن لا بالعكس بتفوق.. لوكلمت نفسك من جوه وكنت حقيقى مع نفسك.. وشوفت الدنيا اللى بايظة جوه حياتك.. ووافقت إنك ترتب أوضاعك.. هتلاقى إنك واخد الأغنية دى لمكان تانى فى حياتك".