سعيد شيمى يفتح صندوق ذكرياته مع محمد خان: كنا بنفهم بعض من نظرة عين

تحدث سعيد شيمي، مدير التصوير السينمائي القدير، عن علاقة الصداقة والأخوة التي جمعته بالمخرج الراحل محمد خان، قائلاً: كان بمثابة أخونا واتربينا سوا وحبينا السينما سوا ولما اشتغلنا مع بعض حوالي 6 أفلام، الكيمياء بينا ظهرت أكتر وكنا بنفهم بعض أنا وخان من نظرة عين بدون ولا كلمة ".

وتذكر "شيمي"، خلال لقاء خاص بتليفزيون اليوم السابع، كواليس فيلم طائر على الطريق والذى تعاون خلاله مع صديقه خان والراحل أحمد زكى، قائلاً: في مشهد لأحمد وهو بيطير طيارة ورق، المشهد دا انا كنت خلصت تصوير وفي طفل كان بيلعب بطيارته وقتها خان قالي كلمة واحدة بس ياسعيد أنا فهمت علطول أنه عاوزني أصور الشوت دا من أحمد وفعلا نفذناه وطلع حلو جدا".

واستطرد مدير التصوير السينمائي عن علاقته بخان:" طلعت عليا إشاعة أني بسيب اي شغل يجيلي لو خان عرض عليا فيلم، مهمنيش واشتغلنا مع بعض كتير كنت حاسس ان عاوز ابقى جنبه في أفلام مهمة جدا في حياته زي ضربة شمس ".

الجدير بالذكر أن فيلم طائر على الطريق عرض في دور السينما المصرية عام 1981، وكان من بطولة أحمد زكى، فريد شوقي، فردوس عبد الحميد، آثار الحكيم، ومن تأليف محمد خان وبشير الديك .