أحمد الأحمر: انتقلت للبنك الأهلي عشان عايز أشبع من كرة اليد وألعب دون ضغوط

وجه أحمد الأحمر ، لاعب كرة اليد بنادي البنك الأهلي، رسائل خاصة لناديه القديم الزمالك وكذلك ناديه الجديد عبر حسابه الرسمي بمواقع التواصل الاجتماعي.

وقال أحمد الأحمر، "في البداية حابب أشكر نادي البنك الأهلي علي انضمامي لهم وثقتهم فيا وأنهم حابين يعملوا مشروع محترم ويوصلوا لمكان أحسن، ولتوفير كل الإمكانيات للوصول للهدف ده.. أنا عجبني المشروع جدا ويشرفني أكون جزء منه لسببين؛ الأول إن الفريق عنده هدف أنه يكون فى مكانة أحسن، والتاني إني هستمتع وألعب من غير أي ضغوط من اللي مريت بيها آخر 3 سنين لاني بحب الهاندبول جدا وفعلا لسه عايز أشبع منها".

وأضاف أحمد الأحمر، "ناس كتير مش فاهمه فحبيت أشرح ده والموضوع بعيد برده عن الماديات، ومن غير شرح عشان دي حاجه تخصني.. في النهايه بقي نادي الزمالك ده بيتي اللي اتربيت فيه واللي بأعتبر نفسي جزء منه وهو بالنسبالي كل حاجه وعمر ما في حاجه هتأثر علي شعوري ناحيه البيت اللي اتربيت فيه عمري كله..  نادي الزمالك طول عمره كبير وهيفضل كبير بولاده وجمهوره وكل اللي بيحبوه".

رسالة أحمد الأحمر

البنك الأهلى يعلن التعاقد مع أحمد الأحمر
 

أعلن مسئولو البنك الأهلي عن صفقة التعاقد مع أحمد الأحمر نجم كرة اليد قادما من الزمالك في صفقة من العيار الثقيل.

يأتي تعاقد البنك الأهلي مع الأحمر، في ظل تواجد حسين زكي على رأس القيادة الفنية للفريق، والذي يؤمن بخبرات الأحمر وقدرته على العطاء في الملاعب.