تليفزيون اليوم السابع يكشف تفاصيل مقاضاة الفنانة منى ممدوح بسبب فيديو خادش

قدم الزميل عمرو صحصاح مدير تحرير اليوم السابع تغطية خاصة على شاشة تليفزيون اليوم السابع عن أزمة الفنانة الشابة منى ممدوح، واتهامها بخدش الحياء بسبب فيديو نشرته على صفحتها على التيك توك.

وقالت الفنانة الشابة منى ممدوح في مداخلة هاتفية لتليفزيون اليوم السابع: "السوشيال ميديا مقلوبة، وكل أصحابى وزمايلى في الوسط الفني والناس عايزة تطمن عليا.. فوجئت بالموضوع وما كنتش أعرف إن فيه محامى مقدم بلاغ للنائب العام بتهمة خدش الحياء"، مضيفة: "بعيدا عن والدى، وبعيدا عن الفيديو، هو المحامى ده للدرجة دى مش فاهم المهنة وإنك لازم تتحقق من الفيديو ومين ده؟.. وإن اللى معايا في الفيديو هو أبويا".

وأضافت ممدوح لتليفزيون اليوم السابع قائلة: "أنا فوجئت بالشكوى قديمة منذ 3 سنوات.. أنا ما اعرفش ليه وهل على مدار الوقت الطويل ده حصل تطورات في الشكوى دى ولا لأ".

وتابعت ممدوح في حديثها قائلة: "أنا موقفى القانونى سليم جدا.. وأنا اللى هرفع قضية فعلا ضد المحامى ده وهقاضيه.. ومفيش أى حكم غيابى، ومفيش حاجة لو كان حصل ده كنت هعرف بيه.. ولو عملوا سيرش بس حاجة بسيطة كانوا هيعرفوا إن ده والدى".