فيسبوك
واتساب
قال الفنان الكبير أحمد فؤاد سليم، إن الفنان لابد أن يكون قدوة خاصة مع الأجيال الصغيرة التي تسعى لتقليده، موضحا أن الفنان عندما يسلك اتجاه غير سوى يؤثر على المجتمع بشكل عام.
وعلق فؤاد سليم في تصريحاته لتليفزيون اليوم السابع، قائلا: "العيال اللى ناكشين شعرهم بيقلدوا ممثل ما ناكش شعره.. هل التشوه إنك تشوه نفسك.. لمجرد تقلده.. شكل وحش يعنى أنا بتكلم على عنيا اللى بتشوفه.. إيه المنظر ده.. مين اللى خلى العيال دى تعمل كده.. الفنان.. وهو موهوب برضه جدا.. لكن وهو موهوب برضه ما عرفش يقدم نفسه بشكل معين.. مايعرفش إن الناس بتقلده.. بصرف النظر عن الأسماء.. الفن مسئولية.. الفنان مسئول.. الفن حالة.. إحنا بنخترع لكن نبقى فاهمين اللى ده في الفن فقط عشان نقدم شخصية مثلا شريرة بنشوه أحيانا منظرنا وده قدام الكاميرا، لكن بره الكاميرا لازم نتبع أسلوب يحظى بالاحترام".
أحمد فؤاد سليم: نفتقد الأعمال التاريخية صاحبة العِبرة والأهداف الإنسانية
أكد الفنان الكبير أحمد فؤاد سليم، إن هناك قلة في تقديم الأعمال التاريخية، موضحا في تصريحاته لتليفزيون اليوم السابع افتقاده لهذه الأعمال بشكل كبير للغاية.
وتساءل الفنان الكبير أحمد فؤاد سليم خلال حديثه لتليفزيون اليوم السابع قائلا: "فين الأعمال التاريخية دى؟.. كانت فيها عبرة.. عايزين أعمال تاريخية تانى غير التي قُدمت زمان.. كان فيها عبرة وأهداف إنسانية مهمة في هذه الأعمال.. ليه بقينا ما بنعملش الحاجات دى.. أنا شخصيا بفتخر بنوعية الأعمال التاريخية التى قدمتها في مشوارى.. والتاريخ بتاعنا مليان شخصيات مهمة جدا".
وأضاف فؤاد سليم قائلا: "كمان الدراما التليفزيونية مهمة في النقطة دى، لإن المسرح والسينما الناس بتنزلهم وتقطع تذكرة.. لكن الدراما بتدخل البيوت مباشرة فبيتم مشاهدتها".
