فيسبوك
واتساب
نعى الملحن مدين، الفنان الكبير هانى شاكر والذى رحل عن الدنيا ظهر أمس الأحد بأحد مستشفيات باريس بعد صراع مع المرض.
مدين: اشتغلنا حاجات كتير مع بعض وجمعنا أستوديوهات كتير
ووقال مدين خلال مداخلة هاتفية لتليفزيون اليوم السابع: "عايز أقول البقاء لله للفنان الكبير واللى غالى على قلوبنا كلنا أستاذ هانى شاكر. على المستوى الشخصى أنا بحبه أوى أوى، اشتغلنا حاجات كتير مع بعض وجمعنا أستوديوهات كتير.. كنت ساعات أعدى عليه وأخده من عند البيت وأروح بيه الأستوديو وبينا كلام كتير جدا راجل في منتهى الجمال والطيبة.. هو العنوان الحقيقى للفنان".
مدين يكشف تفاصيل تعاونه مع الراحل هانى شاكر
عن أول تعاون جمعهما، قال مدين: "أول مرة تعاوننا مع بعض كانت أغنية اسمها "بعد حبك"، أنا لحنتها على صوته وأغنية تانية اسمها "ورايا إيه" وأغنية اسمها "ذكرياتى" والثلاث أغانى دول كانوا في ألبوم واحد.. والحمد لله أغنية "بعد حبك"، بالذات لقيتها في عدة دول عربية وحققت نجاح كبير جدا وكنت كل ما أشوف نجاح للأغنية أبعتله ياحبيبى كان بيتبسط أوى وبيفرح بأى نجاح بيحصله.. كنت بحب الشغل معاه.. من وأنا صغير كنت بحبه جدا كفنان".
وعن رسالته لجمهور هانى شاكر، قال مدين: "أدعوله هو محتاج دعواتكم هو كان إنسان صالح في الدنيا وكويس جدا"، وعن إجمالي التعاون مع هانى شاكر، قال مدين، قدمت معه 5 أغانى بالفعل اعتبرهم بصمة في مشوارى".
