روان الغابة: بشكر بيتر ميمى على صحاب الأرض وماكنتش عارفة هتكلم عبرى ولا غزاوى

حلت الفنانة الشابة روان الغابة ضيفة على تليفزيون اليوم السابع، وتحدثت عن كواليسها مع مسلسل صحاب الأرض، وترشيحها من البداية، لتجسيد شخصية كابتن إيلا، وهي المتحدثة باسم الجيش الإسرائيلى للإعلام العربى.

وقالت: "عايزة أشكر الدكتور بيتر ميمى إن هو أدانى الفرصة دى وإنه هو وثق فيا.. الترشيح جه عن طريق الكاستينج دايركتور إبراهيم أشرف، ووقتها قابلت دكتور بيتر وأتكلمنا.. ووقتها كانوا بدأوا تصوير في البدايات خالص.. ففي البداية كان موضوع صعب لإنى هتدخل أتكلم 3 لغات".

وأضافت روان الغابة قائلة: المخرج بيتر ميمى كان عارف إنى كنت عايشة في أمريكا.. عشان كدة كان مطمن من ناحبة اللغة بالإضافة إلى اللغة الغزاوية والعبرية.. كنت بروح التصوير ومش عارفة اليوم ده هتكلم بالإنجليزى ولا الغزاوى ولا العبرى.. وفى بعض الأحيان كنت في يوم واحد بتحدث الـ 3 لغات ولهجات.

أبطال مسلسل صحاب الأرض

مسلسل "صحاب الأرض"، بطولة إياد نصار، منة شلبي، كامل الباشا، آدم بكري، عصام السقا، وتارا عبود، سارة يوسف، إياد حوراني، ديانا رحمة، والفنان الصاعد يزن عيد، الطفل سمير محمد، وعدد أخر من الفنانين وضيوف الشرف، وهو معالجة وسيناريو وحوار عمار صبري، وتطوير السيناريو والحوار محمد هشام عبية، وإخراج بيتر ميمي، وإنتاج الشركة المتحدة  United Studio.