ريمون مقار: اقتحام عالم رجال الأعمال كان الدافع الأول لمسلسل أولاد الراعى

تحدث المنتج والمؤلف ريمون مقار عن كواليس فكرته الأولى لمسلسل أولاد الراعي، الذي عرض في رمضان المنقضي 2026، مشيرا إلى أن عالم رجال الأعمال والبيزنس وخباياه هو ما حمسه للعمل في البداية.

وأوضح ريمون مقار لـ"اليوم السابع": "أولاد الراعي كانت فكرة في دماغي من فترة كبيرة، إزاي ممكن يكون رجال أعمال وعندهم كل حاجة وممكن ما يكونش عندهم مشاكل، ونخش في عالمهم الحقيقي".

وتابع: "متخيلين لو تلات إخوات رجال أعمال عندهم كل حاجة، مؤسسات وفلوس واستثمارات، أكيد عندهم صراعات، فكان عندي فكرة إني أبتدي أقتحم العالم ده، لأني دايماً بحب أقتحم مناطق ما تكلمناش فيها قبل كده، فلما لقيت نفسي هروح في منطقة البيزنس والحاجات دي، رجعت خطوة لورا، قلت عايز أرجع لأسرار في الماضي".

وعن تفاصيل الأحداث، أشار: "أخ غير شقيق راجع بعد سنين طويلة بيفاجأ إن إخواته بيتعرضوا لمحاولة اغتيال في نفس ميعاد وصوله، فإيه اللي ممكن يحصل؟ فرحنا لمنطقة مختلفة شوية هي فكرة الدراما الاجتماعية اللي فيها جزء كبير من التشويق والأسرار، ويبقى عندنا طول الوقت بلوتات وحاجات تطلع كل شوية، دي كانت الفكرة الرئيسية".

مسلسل أولاد الراعي بطولة ماجد المصرى، خالد الصاوى، أحمد عيد، نرمين الفقى، أمل بوشوشة، إيهاب فهمى، نوران ماجد، إيناس كامل، فادية عبد الغنى، محمد عز، نوليا مصطفي، شادى مقار، غادة طلعت، كريم عبد الخالق، وآخرين، وهو من تأليف ريمون مقار، مينا بباوي، وخالد شكري، ومحمود شكري، وطه زغلول، إخراج محمود كامل، وإنتاج شركة فنون مصر.