أحمد شديد قناوى: هزيمة الأهلى من بيراميدز مذلة وتورب نقل البرود للاعبين

أكد أحمد شديد قناوى نجم الأهلى السابق، أن هزيمة الأهلى من بيراميدز بثلاثية نظيفة هويمة مذلة وصعبة ولا تليق بتاريخ الأهلى، واللاعبين فقدوا الروح بسبب الملايين اللى بياخدوها.

تصريحات احمد شديد قناوى

وقال أحمد شديد قناوى خلال حواره مع الإعلامى سيف زاهر في برنامج "ملعب أون" المذاع على قناة اون سبورتس: "الأهلى يعانى من بداية الموسم ولكن في التوقيتات الصعبة اختفت الروح والأهلى بلا روح حاليا والجمهور عنده حق في الهجوم على اللاعبين لأن اللاعبين شبعت وخدت فلوس كتيرة فبالتالى ليه هيهين نفسه ويعمل تكلينك والمدرب عنده برود غير طبيعى ونقله للاعبين".

وأوضح نجم الأهلى السابق: "لاعيبة الأهلى حاليا فقدوا الشغف إمبارح وهزيمة الأهلى أمام بيراميدز بقت مذلة وصعبة، والآية اتعكست إمبارح 10 دقائق وقت ضائع واللاعبين معندهمش روح ولا قتال على عكس بيراميدز كانوا فايزين وعاوزين يسجلوا تانى".