فيسبوك
واتساب
منطقة الدرب الأحمر من أكثر المناطق تنتشر فيها الحرف اليدوية والمهن التراثية التى كادت أن تنقرض، ففي ورشة صغيرة يقف عم محمد وزميله عم خالد داخل ورشتهم يقوموا بتصنيع البراميل الخشب التى كانت تستعمل قديماً في تخليل الطرشي قبل أن يطغي البلاستيك، أما الآن فتلك البراميل تستخدم في المحلات كديكورات على شكل ترابيزة وكرسي.
يقول عم محمد صاحب 68 عاماً: المهنة دي ورثتها أباً عن جد من وانا عندي 12 سنة اشتغلت فيها وحبيتها لأن عشان المهنة تديني لازم اتقن فيها وأحبها.
واستكمل حديثه" الأمانة أهم شئ لازم تكون صادق وأمين في مواعيدك في السوق عشان تنجح والزبون يحترمك.
أما عم خالد صديقه يقول " الأمانة إني مش ابص في لقمة ورزق غيري، لو شوفت لقمة حد أقوله ألف هناء وشفاء.
واستطرد حديثه" الفلوس مش كل حاجة أهم حاجة الستر والصحة لأن لو صحتك كويسة هتقدر تشتغل وتجيب فلوس مفيش صحة مفيش فلوس.
