فيسبوك
واتساب
"لحظات فخر واعتزاز وتقدير للمجهود الكبير".. هكذا عبّرت الطالبتان هنا محمد موسى ومريم أحمد فايز، الطالبتان بمدرسة «ستيم بالعبور»، واللتان تم تكريمهما من قبل فخامة الرئيس عبد الفتاح السيسي، رئيس الجمهورية، في ختام فعاليات منتدى مصر 2026 ، والحاصلتان على جائزة خاصة من مؤسسة للبحث العلمي في ألمانيا، بعد مشروع قدّم خدمة للأطفال والمراهقين لحمايتهم من مرض «الصرع الضوئي».
جائزة البحث العلمي
في البداية، كشفت هنا محمد موسى، 17 سنة، طالبة بمدرسة المتفوقين للعلوم والتكنولوجيا STEM بمدينة العبور، أنها وزميلتها مريم حصلتا على جائزة خاصة عن المشروع الخاص بهما في مسابقة الاتحاد الأوروبي للعلماء «يوسيف» في ألمانيا، بمشروع «نيورو شيلد»، مقدمة من مؤسسة البحوث الألمانية DFG، قائلة: «ده كان طبعًا شرف كبير لينا إن إحنا نقدر نمثل مصر في الإنجاز ده».
وتابعت «هنا»، أثناء حديثها لـ«اليوم السابع»، أن المشروع يهدف إلى مساندة الأطفال والمراهقين المصابين بنوع من الصرع اسمه «الصرع الضوئي» أو Photosensitive Epilepsy، حيث تكمن المشكلة في أن الأطفال عندما يشاهدون فيديوهات معينة على مواقع التواصل الاجتماعي، سواء «يوتيوب أو فيسبوك»، تنتابهم نوبات صرع، وهذه النوبات تكون بسبب الفلاش أو الموجات الصادرة من الفيديو، وهو ما يتسبب في ضرر كبير لهم ويمنعهم من التعلم أو مشاهدة الفيديوهات العلمية أو التثقيفية.
تقنية لحماية الأطفال
والتقطت مريم أحمد طرف الحديث، مؤكدة أنها وزميلتها فكرتا سريعًا في العمل على مساعدة هذه الفئة، من خلال إنشاء موقع «ويب سايت»، تستطيع هذه الفئة الدخول من خلاله على أي فيديو لمشاهدته، ويقوم نموذج الذكاء الاصطناعي «AI Model» بفلترة الفيديوهات، بحيث يخلق لهم بيئة آمنة لمشاهدة الفيديوهات كيفما يشاؤون دون أدنى ضرر لهم.
وأضافت مريم أن زميلتها وهي عملتا سويًا على الفكرة منذ حوالي عام، بالتعاون مع الأطباء والمختصين، مشيرة إلى أنهما منذ التحاقهما بالمدرسة شاهدتا طلاب الدفعات السابقة بالمدرسة يبتكرون مشروعات تخدم الناس والمجتمع، قائلة: «فكان عندنا من البداية خالص رغبة إن إحنا نعمل حاجة تخدم المجتمع وتساعد الناس، والفكرة كلها بدأت إن إحنا كنا مهتمين أوي بمجال الـNeuroscience، وعايزين نعرف إزاي الـDisorder، لو حد جاله اضطراب معين، بيأثر على الدماغ وإيه اللي بيحصل جواها، فبدأنا نبحث أكتر في الموضوع ده، لحد ما لقينا نوع الصرع اللي هو الصرع الضوئي».
بداية فكرة المشروع
واستطردت قائلة: «اتفاجئنا جدًا إزاي فيديوهات عادية بنتفرج عليها كل يوم، وبالنسبة لنا عادية جدًا، ممكن تسبب نوبات صرع للأطفال التانيين، ومن هنا بدأت الفكرة، إن إحنا عايزين نعمل حاجة بجد تساعدهم، والحمد لله، قدرنا نعمل NeuroShield، وهو نظام يقدر يساعدهم فعلًا إنهم يتفرجوا على الفيديوهات دي بأمان، ويقدروا يتعاملوا مع المحتوى الرقمي (Digital Content)».
وأشارتا إلى أن أول دعم لهما كان من الأسرة، «الوالد والوالدة»، مؤكدتين أنهما كانا داعمين جدًا لهما، قائلتين: «وكانوا دايمًا بيدعمونا في كل حاجة، سواء ماديًا أو معنويًا، وبكل الطرق، وكذلك المدرسة، كل المدرسين كانوا بيدعمونا في الجوانب العلمية، وما كانوش بيتأخروا علينا في أي حاجة، وهما ما شاء الله عندهم خبرة عالية، فإحنا استفدنا منهم جدًا، خصوصًا في الجوانب العلمية والخطوات العلمية اللي بيدرسوهالنا في المدرسة، وإحنا أصلًا بنينا المشروع على الخطوات العلمية اللي اتعلمناها في المدرسة».
تكريم من فخامة الرئيس
أما عن التكريم من قبل فخامة الرئيس عبد الفتاح السيسي، في ختام فعاليات منتدى مصر 2026، فقالتا: «طبعًا، الإحساس ده كان مميزًا جدًا، وكنا حاسين بالفخر والسعادة، إحنا وأهالينا والمدرسة؛ لأن التكريم ده كان تقديرًا كبيرًا جدًا من فخامة الرئيس عبد الفتاح السيسي للمجهود اللي بذلناه إحنا ومدرسونا، وفي الوقت نفسه، كان حافزًا لينا إننا نكمل في البحث العلمي، ونطوّر مشروعنا أكتر، ونواصل الطريق».
لحظة لقاء فخامة الرئيس
وعن لحظة لقاء فخامة الرئيس، قالتا: «أول ما دخلنا، لقينا فخامة السيد الرئيس قاعد، وكلنا كنا مش مصدقين نفسنا إننا شايفينه على الحقيقة، وفي أول لحظة لما طلع على المسرح، اتجه وسلّم على كل واحد فينا، وكان مهتم جدًا إنه يسلّم علينا، وفعلاً سلّمنا عليه، وكنا مبسوطين جدًا، وحتى لما جه يلقي الكلمة، إحنا حسّينا إن المفروض نمشي، لكن قال لنا ما نخرجش، وإنه كان عايزنا نفضل موجودين معاه، فكانت لحظة مميزة جدًا بالنسبة لينا".
الرئيس السيسي يصافح الفتاتين
الطالبتان تفخران بعلم مصر
الطالبتين هنا ومريم
خلال التكريم من قبل فخامة الرئيس السيسي
خلال الفور بالمسابقة في ألمانيا
خلال مشاركتهما بالمسابقة
مجهود كبير في المشروع للطالبتين
