رانيا فريد شوقى تحتفل بعيد ميلاد محمد منير: أسطورة وبصمة فى تاريخ الفن

وجهت الفنانة رانيا فريد شوقي رسالة تهنئة إلى الكينج محمد منير بمناسبة عيد ميلاده، معبرة عن حبها الكبير له وإعجابها بمشواره الفني، وذلك من خلال مجموعة صور تجمعهما نشرتها عبر حسابها على موقع «إنستجرام».

وكتبت رانيا فريد شوقي: «كل سنة وإنت طيب يا كينج، يا أسطورة، يا حدوتة مصرية بجد، محمد منير مش مجرد مطرب، ده حالة خاصة وبصمة في تاريخ الفن المصري والعربي، كل أغنية من أغانيه وراها ذكرى وحكاية عاشت معانا على مدار أجيال، بصوته المميز وروحه المصرية الأصيلة اللي مالهاش شبيه».

وأضافت: «من حظي إني اشتغلت معاه مرتين، أول مرة سنة 1993 في فيلم ليه يا هرم وأنا لسه صغيرة في بداياتي، وبعدها في مسلسل المغني سنة 2016، أنا أصلًا من عشاقه ومعجبينه، وكل ما أشوفه بجري عليه عشان أتصور معاه، لدرجة إنه أكيد زهق مني».

واختتمت رانيا فريد شوقي رسالتها قائلة: «كل سنة وإنت منور حياتنا بفنك، وربنا يخليك لينا وللفن المصري، بحبك أوي يا كينج».

رانيا فريد شوقي ومحمد منير

وقد طرح الكينج محمد منير، كليب أغنيته الجديدة "يسألوا عنك"، عبر مختلف منصات الفيديو يوتيوب، ليفاجئ جمهوره بالأغنية،في نهاية أغسطس الماضي، وجاءت الأغنية من كلمات مصطفى حدوتة، وألحان دهب، بينما وزعها الموزع الراحل رومان بونكا.

كلمات أغنية يسألوا عنك

شايف رسم الشفايف وشعرك سايح الكتاف
سامع عنك وعارف بس اللي سمعوا غير اللي شاف
شايف رسم الشفايف وشعرك سايح الكتاف
سامع عنك وعارف بس اللي سمعوا غير اللي شاف
الصبر قصاد عنيكي محتاج قوه وعزيمه
مقدرش اصبر عليكي
انا هفضل أحب فيكي لو كان حبك جريمة

يسألوا عني في مسائل وما فيش حل الا جوز عيون
بيجننوا كل عاقل ويزيدوا المجنون جنون
يسألوا عني في مسائل وما فيش حل الا جوز عيون
بيجننوا كل عاقل ويزيدوا المجنون جنون
بس انا لافف وداير واعرف حل وطريقه واعرف افك الضفاير واعرف الضفاير
واقراء العين الجريئة

هكتب عنك قصايد وهزيدك من الشعر بيت
ياحبيبتي القلب رايد ان انا او انتي يجمعنا بيت
جنبك قايم ونايم مش هنضيع دقيقة
جايلك سالم وغانم من شط لشط عايم
ياللي بحورك غريقه