فيدرا تزور مقابر الحيوانات.. شوف أصحاب الكلاب كاتبين إيه على شواهد القبور

الخميس، 15 يناير 2026 05:10 م

فيدرا وصديقتها هدى

0:00 / 0:00

كتبت ندى سليم

نشرت الفنانة فيدرا، منشورا عبر صفحتها على فيس بوك، تروى خلاله عن قصة حبها للحيوانات الأليفة، برفقة صديقتها هدى، مؤكدة: "النهاردة أنا وهدى زرنا مقابر الحيوانات في نادي الجزيرة، علشان نزور مونتي - رفيقها اللي عاش معاها 13 سنة - وتوفّى من تلات أسابيع".

وتابعت "فيدرا" قائلة: "وسط كل الضجيج، والغضب، واللخبطة اللي في العالم، لقيت حقيقة هادية وواضحة جدًا، أن الإنسان بيعرف يحب من غير شروط ولما يتحط قدامه حب من غير شروط، وعلى الشواهد كان في كلام عن الامتنان، عن الأمان، والثقة، والوفاء.. ناس فاهمة قد إيه كانت محظوظة إنها شاركت حياتها مع حيواناتها".

واستطردت: "اليوم كان بسيط صادق حقيقي، يوم كشف حاجات كتير عنّا، وعن اللي الحيوانات بتضيفه للعالم ده، وعن الحكمة من إن ربنا خلقها، كان يوم هادي للتأمل في عالم سريع، عنيف، مش بيسيب لنا وقت نحس أو نفهم، متشال بهدوء تحت رعاية رب رحيم وجميل".