فيسبوك
واتساب
قال الفنان مصطفى غريب: إحنا بدأنا فى فترة الحضانة نمثل كهواية، وأضاف خلال لقائه ببرنامج صاحبة السعادة مع الفنانة إسعاد يونس المذاع على قناة DMC : وبدأنا نمثل فى فراشة واحنا مش فاهمين والناس مش فاهمة وكان فى حالة انبساط وبعدها انطلب مننا نروح قصر الثقافة وفى ناس ما كانتش بتعرف تقرأ وتكتب.
وتابع: كنت دايما أطول واحد فى المجموعة بتاعتى ولما بشوف حد ضخم كنت أحب أصاحبه، علشان ما ابقاش لوحدى، وكنت متفوق فى دراستى من غير ما أبقى دحيح واتربيت على الأساسيات وهى اللى خليتنى شاطر وكنت بروح الكتاب وكنت حافظ جزء كبير من القرآن، وكانوا بيعلمونا بالضرب وكنت بحس انها طريقة ناجحة، وانا رحت لشيوخ كثير وفى شيخ أبويا قرر يحفظ معايا قرآن كان اسمه الشيخ أيمن سرور.
