فيسبوك
واتساب
حرص الفنان محمد فراج على الاحتفال بعيد ميلاد زوجته الفنانة بسنت شوقي، ونشر صورة ليده وهي ممسكة بيدها، عبر حسابه على "إنستجرام"، معلقا عليها: "ماينفعش اقولك كل سنه وانتى طيبه قبل ما اقولك جوايا شكر وحب واعتراف بالجميل وحاجات كتير ليكى، إنتى طول عمرك معايا - بتنصحينى - بتوعينى - بتحبينى - مؤمنه بيا - سابقانى دايما بخطوه فى تفاصيل حياتنا ( الصراحه هى مش خطوه واحده هما كذا خطوه استحملتينى".
وأضاف: "واستحملتى عصبيتى وقلقى وسخافاتى وقت الشغل وخصوصاً الفترة اللى فاتت واللى كان فيها الموج عالى قوى ومع ذلك بتبقى أول واحده تقولى براڤو عجبتنى، واخده بالك منى و ليكى فى كل خطوه أخدتها ربنا كرمنى فيها، ليكى فى كل دور حلو أنا مثلته".
كما تابع في رسالته: "شايله همى وحِملى وحِملك وحِمل القطط و حاجات كتير كتير وفوق كل ده كمان زى القمر، أنا لو اتكلمت وحكيت من هنا لعيد ميلادك السنه الجايه والله مش كفايا، تفتكرى بعد كل ده كلمتين حتى لو صادقين ومن القلب يوفوكى حقك، كل سنه وانتى أحلى صوص بيدى طعم للحياة، كل سنه وانتى حبيبتى".
أخر أعمال محمد فراج
وكانت أخر أعمال محمد فراج مسلسل ورد وشوكولاتة، الذي عرض الأيام الماضية، وحقق نجاحا كبيرا، جمعه بالنجمة زينة والمستوحى من قصة حقيقية شغلت الرأى العام فترة طويلة، حيث حقق العمل نجاحا كبيراًعلى مدار الأسابيع الماضية، والعمل من تأليف محمد رجاء وإخراج ماندو العدل، وإنتاج شركة العدل جروب للمنتج جمال العدل، وشارك فى بطولته مها نصار، مريم الخشت، صفاء الطوخى، عمرو المهدى، مراد مكرم.
