خالد الجندى بـ"لعلهم يفقهون": سرقة الكهرباء والمياه والغاز حرام شرعا

جدد الشيخ خالد الجندي، عضو المجلس الأعلى للشؤون الإسلامية، هجومه الحاد على الأستاذ بكلية التربية جامعة الأزهر-لم يذكر اسمه- لإباحته سرقة الكهرباء والمياه والغاز، قائلا: "ده زعيم عصابة، يأمر الناس بسرقة مصر".

وقال عضو المجلس الأعلى للشؤون الإسلامية، خلال حلقة برنامج "لعلهم يفقهون"، المذاع على فضائية "dmc"، اليوم الثلاثاء: "الغريب أن للأسف الشديد بعض الذين، وبعض، أنا أقول بعض، أكرر، يا رب نعرف ونقولها كده بعض، بَعْض، يعنى ليس كلهم، بعض الذين يظهرون التدين ينهون الناس عن المنكر وينهون عن المعروف".

وتابع: "عندك رجل أستاذ فى كلية التربية جامعة الأزهر، وزعيم عصابة، يأمر الناس بسرقة الناس، يأمر الناس بسرقة مصر، يأمر الناس بسرقة البلد، والغريب، والله العظيم، شيء يججن، أنه يقول لهم: (أنا بقول لكم اسرقوا)، يعنى هو الرجل دماغه غابت خالص لدرجة أنه عارف أن اسمها سرقة، اسمها إيه؟ سرقة يعنى هو، والله العظيم، لو كنت الحمد لله أن أبويا انتقل إلى الآخرة قبل ما يشوف اليوم ده، أبويا ما كانش هيصدق لو كنت بحكى له، أبويا كان يربى على الحلال مهما كان الثمن، وكانت الحالة فقيرة جدا، كنا بالكاد نعيش، إنما كلنا تربينا على الحلال، ده بقى لو اتربى على الحلال، ما كانش هيقول الناس اعملوا الحرام".

وأضاف الشيخ خالد الجندي: "أنت عارف كلمة (حرامي)، يا جماعة، حرامى اللى إحنا مطلعينها كده، يقولك ده حرامى، فلان حرامى، عارف حرام يعنى إيه؟ ما فكرتوش فى الكلمة؟ يعنى إحنا كشعب مصر عارفين أن الكلمة دى وحشة، حرامى يعنى بيعمل حاجة حرام، بس سهلة، هى كلمة حرامى، والياء دِياء النسب، حرامى يعنى صفته نسب هذا الرجل، نوعه كده، بيعمل حاجة حرام".

واستكمل: "فتخيل لما واحد طالع بيعترف أنها سرقة ويقول لهم: (أيوه، أنا بقول لكم اسرقوا، اسرقوا كهربا).. يعنى أنت عارف أنها سرقة وعارف أنها حرام.. طب أنا بقى عاوز أسأل، لو فى الإسلام قطع يد السارق، اللى بيحرض على السرقة ويفتى بها، ده وضعه إيه؟ يعنى كم قطعة تتقطع من جسمه؟ مثل هذا فى الحدود، لو كانت مطبقة".