رامي جمال عن زوجته ناريمان: شفتها جاية تاخد لحن فعجبتنى وروحى تآلفت معها

استضافت الإعلامية منى الشاذلي المطرب والملحن رامي جمال وزوجته ناريمان في حلقة رومانسية من برنامجها "معكم" المذاع على قناة "ON".

وقال رامي جمال:" تعرفت على "ناريمان" زوجتى وهى كانت جاية تاخد لحن، وشفتها وعجبتنى وهى بتتكلم وطريقة الكلام كانت عاجبة ودانى، حسيت إن روحى تآلفت معاها، ولما شفتها قلت: "آه لو عندى حد ممكن أغنيله لوحده" ودا مش هيزعل جمهورى". أضاف رامى جمال: "اتفاقى مع ناريمان بالابتعاد عن الغناء، بسبب إنى شايف إن الغناء مش شغلتها".

وذكرت ناريمان: "رامى جمال كان مبين انه مهتم بيا وكنت اعتقد أنه كان بيكذب عليا، وبدأت أحس بمشاعره نحوى وحدة وحدة، وفى نفس اليوم لمح لى أنه معجب بى، فقلت له: "لسه بدرى"، وكان نفسى أغنى حاجة من ألحانه، لأن كل أغنية أو لحن يقدمه كان بينجح".

وقالت ناريمان :"إن رامى عقد معايا اتفاق إنى أبطل غناء ونتزوج، وانا مرتاحة مع القرار ومش ندمانة، ومش حاسة انى بعدت عن المجال، لأنه بياخد رأيى فى أغانيه وألحانه، .. وخلال الحلقة طلب منها رامى جمال أن تغنى "ليالينا" للفنانة وردة.