استضافت الإعلامية منى الشاذلى، خلال برنامجها "معكم منى الشاذلى" المذاع على قناة أون، المعلمة نادية محمد حجاج، عقب الاحتفال الكبير الذى قدمه معلمي وتلاميذ مدرسة ميدوم الابتدائية بنين ببنى سويف بوصولها لسن التقاعد.
وقالت نادية حجاج، :"عملت 30 سنة فى المدرسة وكنت سعيدة بالعمل قضيت عمرى كلى فيها، وحب الناس ليا دا من عند ربنا ودعاء الوالدين، والحمد لله كنت بساعد أى معلمة وبساعد التلاميذ الأيتام بجمع فلوس لهم من خارج المدرسة علشان أشتريلهم ملابس".
وأضافت نادية حجاج:"مكنتش متوقعة حب الناس الكتير ده ليا، وبعامل التلاميذ زى أحفادى".
وعبر معلمو المدرسة عن حبهم للمعلمة نادية مؤكدين:"كانت بتقف معانا كلنا ومتفرقش بين أى حد فينا، وحاولنا نقدم لها حاجة بسيطة نفرحها بيها، ومكنتش راضية فى البداية بالاحتفال بيها، وهى بسيطة وبشوشة وخدومة ومخلصة فى عملها، ملتزمة فى المواعيد، وتصلح بين الناس".
وأكد مصور فيديو الحفل أن رواد السوشيال ميديا تفاعلوا مع حفل الأبلة نادية وبساطتها، فهى كانت عونا للجميع وتساعد فى حل مشاكلنا، واللى شفناه فى الاحتفالية مظاهرة حب".
وقدم البرنامج رحالة عمرة للأستاذة نادية تكريما لها على العطاء خلال 30 سنة.
تم أضافة تعليقك سوف يظهر بعد المراجعة