سرد الإعلامي أحمد فايق قصة الشخص الذي غضب عندما قيل له "أنت عبقري"، مشيرا إلى أن "المخرج يوسف شاهين لما حد كان يقول له إنت عبقري يزعل بشدة ويقول لا أنا بشتغل".
وأوضح خلال تقديمه برنامج "لوغاريتم"، عبر قناة "DMC": "كان بيعتبر إنه شخص عبقري منحة ربانية ولكنه كون إن حد يقول له أنت شاطر يبقى بيبذل مجهود يكمل المنحة الربانية"، مردفا: "لما حد يقولي إنت جميل ولا قمر أفرح لكن مش أوي، لكن يقولي إنت شيك أو شاطر أفرح لأن فى مجهود وتعب".
وتابع: "ربنا خلقنا كلنا عباقرة، بس في عبقري في الفيزياء والكيمياء والأحياء والكاراتيه والسباحة والكورة، وكل واحد عبقري في حتة معينة، وشطارتك تكتشف انت عبقري في إيه بالظبط وإزاي طورت الموهبة دي وكبرتها، ممكن تكون عبقري والأعم إنك تشتغل على عبقريتك وتنجح وتعمل حاجة مختلفة".
تم أضافة تعليقك سوف يظهر بعد المراجعة