"أنا خريج كلية تجارة وباشتغل بائع لحمة رأس وفواكه اللحوم علشان الشغل مش عيب ودى مهنة أبويا يعنى مهنة وراثة أبا عن جد" هكذا بدأ أحمد يروى تفاصيل حكايته عن مهنة بائع لحمة الراس..
وقال أحمد الصافوري لــ "اليوم السابع"، أنا شغال في لحمة الراس من وأنا طفل علشان دي مهنة والدي وكنت بأخلص المدرسة وأقف أبيع معاه وأساعده في كل حاجة، واتعلمت منه المهنة وبقطع اللحمة والكوارع علي العربية وأشوف الزبائن طلباتهم أيه وأعملها".
وأضاف أحمد: "والدي علمنا الأمانة في الشغل، وأصر علي أننا نكمل تعليمنا في الجامعة أنا وشيقيقي، وبالفعل التحقت بكلية التجارة وبعد ما خلصت دراستى قررت أشتغل في مهنة والدي ووقفت أبيع علي العربية ممبار ولحمة راس وكوارع وطواجن بأنواعها، والناس كلها بتشجعني وتدعمني، وبنصح كل شاب حتي لو خريج جامعة يشتغل ويحقق حلمه في أي مهنة يكون بيحبها ما يقولش أنا معايا مؤهل عالي وما يتكبرش علي الشغل".
تم أضافة تعليقك سوف يظهر بعد المراجعة