قال الفنان عماد رشاد إنه لم يكن له أى دور فى ابتعاد ابنته ياسمين عن الفن، قائلا: كان المفروض إنها هتعمل فيلم "صعيدى فى الجامعة الأمريكية" فى الدور بتاع غادة عادل وخلاص اتفقت مع عائلة العدل على الدور وقبل التصوير بيومين رفضت، وقالت مش همثل وبتعمل الآن فى مجال الديكور، مشيراً إلى أن نديم ابنه يعمل فى أحد البنوك وبعيد عن الفن تمام".
وأضاف رشاد، خلال حلوله ضيفا ببرنامج "واحد من الناس" على شاشة الحياة: "عندى 3 أحفاد أدهم ويوسف وهارون وأنا أقرب واحد ليهم فى العيلة، ومرتبط بيهم جدا، وبحاول أقلل من ارتباطى بيهم علشان لما ييجي موعد رحيلى ما يبقاش صعب عليهم، والكثير من الناس نصحونى بكده لأن أسرارهم معايا، وخايف عليهم من صدمتهم بعد رحيلى".
وأشار إلى أن اللدغة عنده في الكلام ليست قبيحة وهى لدغة حركية وليست لدغة عيب خلقى، وقال: "عندما أنفعل بتطلع لأنى كنت بمدارس فرنسية وأثرت عليا في النطق، وعندما كنت فى امتحان معهد الفنون المسرحية كان الأستاذ فهمى الخولى الله يرحمه مجهز لى جملة مفيش فيها حرف راء، علشان أقولها امام اللجنة اللى بتمتحنى، وأعتقد حد بلغهم بهذا الأمر فقاموا بتغيير الجملة وفوجئت بجملة أخرى كلها راء "أمرنى اردش ألا ارتشد إلا برأى كرم"، وأخدت الجملة وقلتها بكل ثقة وقلت ليهم أيوه أنا عندى لدغة الراء لكن لا أنطقها ياء".
وأوضح أنه نجح فى معهد السينما وقتها بقوله: "أعضاء اللجنة سألوني لو نجحت هنا هتختار إيه، قلت ليهم هختار معهد فنون مسرحية وابتسموا، وحسيت إنهم هينجحونى وخرجت قلت لزملائي أنا نجحت".
تم أضافة تعليقك سوف يظهر بعد المراجعة