قالت الفنانة يسرا اللوزي، تعليقًا على دورها في فيلم "جروب الماميز": "أنا عايشة وسط جروب الماميز، في جروب الماميز بتاع المدرسة، وفي جروب الماميز بتاع الحضانة، ودي جديدة"، مردفة: "هو عبء، والجروبات الكتير بتوتر، وجروبات الماميز فيها لت وعجن كتير".
وأضافت خلال لقائها ببرنامج "معكم"، عبر قناة "CBC"، مع الإعلامية منى الشاذلي: "أنا صامتة وشخص عملي، والجروب مصدر معلومات، لافتة إلى أن أكثر شيء يتحدثون فيه هو أعياد الميلاد"، مردفة: "إحنا عيلتنا بتحب البساطة".
من جانبه أوضح الفنان محمد ثروت: "ساعات بتابع جروب الماميز مع زوجتي، عندي سليم 7 سنين، منها أعياد الميلاد والرحلات"، مردفًا: "بتابع من بعيد لبعيد، على أيامنا مكانش في جروب الماميز ده وكان بيتقابلوا صدفة في الحوش".
في سياق متصل قالت الفنانة دارين حداد: "عشت الحالة والوضع وحبيته، وكان عندي ولد في الفيلم، وسألت كذا حد عن جروب الماميز، واعرف بيحصل ايه؟، ديما الأطفال أولهم حلو ولما بيروحوا المدرسة بيبقوا متعبين".
من جانبه أشار المنتج محمد رشيدي، إلى أن "الخلطة في جروب الماميز مش هتتكرر"، موضحا أنه عمل في المجال، وحضر جروبات الماميز من إدارة مدرسة ومع زوجته كأب، مردفا:"الفكرة قصتي، ولما جاتلي قلت ازاي المادة دي متعملتش قبل كده، دا ممكن يتعمل مسلسلات وجد وهزار وفكرة، وعاوزين نسلط الضوء على الستات التعبانة جدا، طلعوا مش فاضيين دول بيعملوا كمية حاجات".
وتابع: "كنت داخل في المدرسة بصدفة، ولقيت إحدى الأمهات، وأردت أن أمتص غضبها، وكان ردها: يعني ايه ابني ناقص نص درجة في امتحان الشهر وأنا بحضرله لكلية طب، وهو لسه في سنة أولى، أنا متخيلتش، ورد فعلها كأن في جريمة حصلت".
تم أضافة تعليقك سوف يظهر بعد المراجعة