كشفت الفنانة سلوى محمد على عن كواليس طفولتها فى شهر رمضان، فى لقاء ببرنامج "قط وvar" المذاع على نغم إف إم، قائلة: "وأنا طفلة كان رمضان فى الشتا وكنا بنصحى بالعافية فى السحور، وكنا لازم ننام بدرى علشان نصحى نروح المدرسة، والعجوة بالسمنة البلدى بالبيض ده كان سحورنا الأساسى".
وأضافت سلوى محمد على: "أنا شاركت فى (بوجى وطمطم) وكنت بعمل (زيزى)، واللى كانت بتعمل كل حاجة غلط وشقية جدا بس أنا سعيدة إنى بقيت جزء من ذكريات أجيال، وأكتر مشهد كان نفسى أبقى فيه مشهد لنجيب الريحانى فى فيلم "غزل البنات" وكان مشهد لذيذ ومليان ضحك كتير".
وتابعت سلوى محمد على: "مشاركتى فى فيلم (جاءنا البيان التالى) مع محمد هنيدى كانت صدفة وكان دور كومبارس بعد غياب 7 سنوات".
يذكر أن آخر أعمال الفنانة سلوى محمد على، مسلسل "أنا وهى" تأليف مصطفى حمدى وإخراج سامح عبد العزيز، وبطولة أحمد حاتم، هنا الزاهد، أشرف عبد الباقى، ميرهان حسين، عارفة عبد الرسول، محمد ثروت، محسن منصور، محمود البزاوى، سلوى محمد على، ندا عادل، محمد الصاوى، وعدد من ضيوف الشرف على رأسهم عبير صبرى، محمد أنور، كريم عفيفى وآخرين.
تم أضافة تعليقك سوف يظهر بعد المراجعة