"سعاد حسنى حبيبتى وعمرنا ما غيرنا من بعض كانت جارتى ولن يجود الزمان بممثلة مثلها" بهذه الكلمات ردت الفنانة الكبيرة سميرة أحمد على شائعات غيرتها من النجمة الراحلة سعاد حسنى من خلال برنامج "صاحبة السعادة".
وصرحت سميرة أحمد بأنها استقبلت جثمان سعاد حسنى فى المطار، وتشاجرت مع السيدة التى كانت تسكن معها، وقالت لها: "ماتت إزاى" قالت لى: مش هقولك.
وكشفت سميرة كواليس أول لقاء لها مع أنور وجدى وقالت: "اخترنى من بين عدد من البنات فى "حبيب الروح" عشان أقول جملة واحدة، ووقت القبض طلبت منه جنيه ونص عشان اتكلمت لكنه رفض وقال لى: أنت هتبقى نجمة على فكرة.. وعملت بعد كدة معاه فيلم ريا وسكينة وبعده فيلم بطولة أمامه".
وعن أهم أعمالها "الشيماء" علقت سميرة أحمد: "فخورة بالفيلم ولما بشوفه ببكى، وأعتبره من أحسن الأفلام الدينية اللى اتعملت والأغانى اللى فيه لمطربة عظيمة هى سعاد محمد، وكانوا بيستضيفونى عشان أغنى أغانى الشيماء كانوا فاكرين إنى أنا اللى غنيت".
تم أضافة تعليقك سوف يظهر بعد المراجعة