فيسبوك
واتساب
ناقش برنامج "راجل و2 ستات" المذاع على قناة on، تقديم الإعلامية شريهان أبو الحسن والفنانة هيدى كرم، الأخطاء الشائعة فى تربية الأبناء، وقالت الإعلامية شريهان أبو الحسن: "دراسات بتقول أن هناك 80% من الأمهات متنمرات، وشايفة نفسها طول الوقت مقصرة، وهذه الشخصية لما تدخل لها واحدة تنصحها فبتتوتر أكتر ما هى متوترة".
وأضافت الإعلامية شريهان أبو الحسين: "سيدة بتقول الولد يخرج من المدرسة على التمرين ومن تمرين على تمرين، عشان يهد حيله عشان لما يكبر ميشربش سجاير ولا مخدرت، طيب صحته وحياته كطفل".
وعلقت الفنانة هيدى كرم: "المشكلة الأساسية بتقابلنا لما نقرر الثقة فى أراء الآخرين، والحاجات اللى ممكن تكون عملوها لنا أهالينا حاجات غلط وكنا فاكرينها صح جدا وعملناها مع الأولاد".
وتابعت: "موقع متخصص فى الشئون التربوية أصدر قائمة من أسوأ النصائح فى التربية، ومنها: "لو ابنك بيعيط سبيه يعيط لحد ما يبطل"، "وإظهار الكثير من العواطف للطفل يجعله مدلل"، "متشليش الطفل كل ما يعيط"، "وخلى ولادك مشغولين"، "مرحلة وهتعدى".
