شارك الإعلامي جابر القرموطي في تقديم عرض "101 عزل" ضمن مشروع مسرح المواجهة والتجوال، والمقام في قرية مؤنسة بمحافظة المنوفية، وتحت رعاية وزارة الثقافة.
وقال القرموطي خلال التقرير الذي عرضه ببرنامج "مانشيت" الذي يذاع على قناة "cbc": "من الحاجات العظيمة إن هفتكر دايما القعدة اللي أنا قاعدها دي، الناس ممكن تاخد الموضوع ببساطة، أنا شايف ناس مجتهدة ومتواضعة مع الرسالة اللي بتقدمها، وناس واخدة العملية جد جدا، ناس مصممة تغير ثقافة الناس للأفضل".
وقال: "في رسالة تنويرية بتقوم بها بيت الفن والمسرح وهيئة قصور الثقافة ووزارة الثقافة والدولة بشكل عام في هذا الإطار، وأنا أجلس مع محمد الشرقاوي، هذا الشخص الجميل اللي أنا فخور إن أنا شوفته هو باقي الشباب الجميل ده، بيقدموا رسالة عميقة وعظيمة وجزء كبير من الامتنان والوفاء بهذا البلد، جزء ممتد لرسائل فنانين عظام وفن كبير كان موجود وسيظل، وكل ده في ظل إمكانيات متواضعة".
وتابع: "كل أملي إن الناس دي تحاط بعناية علشان تقدر توصل الرسالة بشكل صحيح، في بعض المشاكل لو اتحلت هتبقى الرسالة أعمق بكتير في مضمونها".
ومن جانبه قال محمد الشرقاوي، مدير مسرح المواجهة والتجوال، خلال لقائه بالبرنامج: "إحنا الآن في واحدة من قرى حياة كريمة، قرية مؤنشة التابعة لمركز أشمون في محافظة المنوفية، ومشروع مسرح المواجهة والتجوال شغال بقاله أكتر من 5 سنين، واحنا دلوقتي في الموسم الثالث، وأنجزنا حوالي 1200 قرية على 3 مراحل".
وأضاف: "المرحلة الحالية بدأت مع تولي الدكتورة نيفين الكيلاني وزيرة الثقافة منصبها، والأستاذ خالد جلال للبيت الفني للمسرح، وبنشتغل دلوقتي على 250 قرية من قرى حياة كريمة، خلال الشهور الستة دي، واحنا دلوقتي في القرية 66 من أصل 250 قرية مستهدفة".
تم أضافة تعليقك سوف يظهر بعد المراجعة